જપાનના મંદિરમાં ૬.૬૦ કરોડ રૂપિયાના ખર્ચે મૂકાયા રોબો દેવતા
રોબોટ દેવતાના કરો દર્શન
જપાનના ક્યોટો શહેરમાં આવેલા ૪૦૦ વર્ષ જૂના કોડાજી મંદિરમાં કૅનન નામનો રોબો મૂકવામાં આવ્યો છે. આ રોબો ટ્રેડિશનલ બૌદ્ધિષ્ઠ સાધુ જેવું જ્ઞાન ધરાવે છે જે મંદિરમાં આવતા શ્રદ્ધાળુઓને પૌરાણિક ઉપદેશ આપવાનું કામ કરે છે. કૅનનનું નર્મિાણ ઝેન મંદિર અને ઓસાકા યુનિવર્સિટીના સહયોગથી થયું છે. એ બનાવવાનો ખર્ચ સાત લાખ પાઉન્ડ એટલે કે લગભગ ૬.૬૦ કરોડ રૂપિયા જેટલો થયો છે. કૅનનનું માથું, ગળું અને હાથ જ સ્કિન જેવા સિલિકૉન મટીરિયલથી કવર કરેલાં છે. બાકી એનો લુક એકદમ ઍન્ડ્રૉઇડ રોબો જેવો જ છે. આ ઍન્ડ્રૉઇડને રોબો-દેવતાનું ઉપનામ અપાયું છે અને તાજેતરમાં જ આ દેવતાએ ૧૬૧૯માં સ્થપાયેલા ક્યોટોના કોડાજી મંદિરમાં પહેલો ઉપદેશ પણ આપ્યો હતો.
આ પણ વાંચોઃ ઑસ્ટ્રેલિયાના પ્રવાસેથી પાછા આવીને સામાન ખોલ્યો તો અજગર નીકળ્યો
ADVERTISEMENT
મંદિરના બૌદ્ધ સાધુઓનું માનવું છે કે આ રોબો-દેવતા યંગસ્ટર્સને બૌદ્ધ ધર્મ તરફ આકર્ષવામાં કામિયાબ રહેશે. ૧.૯૫ મીટર ઊંચો અને ૫૯ કિલો વજન ધરાવતા આ રોબોની ડાબી આંખમાં વિડિયો કૅમેરા ઇન્સ્ટૉલ કરેલો છે એને કારણે તેની સામે જે લોકો જોઈ રહ્યા છે એની સામે તે આંખમાં આંખ પરોવીને વાત કરતો હોય એ રીતે વર્તે છે. રોબો-દેવતા જૅપનીઝ ભાષામાં ઉપદેશ આપે છે, પરંતુ એનું અંગ્રેજી અને ચાઇનીઝ ભાષામાં ભાષાંતર સાંભળવું હોય તો એ પણ શક્ય છે. ઓસાકા યુનિવર્સિટીના રોબોટિક્સના પ્રોફેસર હિરોશી ઇશીગુરોના નેતૃત્વમાં આ રોબો તૈયાર થયો છે.
