આ કાર છે કે બાઇક? એમાં હેલ્મેટ પહેરવાનું કે ‌સીટબેલ્ટ?

Published: Nov 02, 2019, 11:14 IST | મુંબઈ ડેસ્ક

રોડ પર આ વાહન જતું હોય તો એમાં સેફ્ટી માટે હેલ્મેટ પરવાનું કે સીટબેલ્ટ? એવો સવાલ સોશ્યલ મીડિયા યુઝર્સે કર્યો છે.

પંજાબના લુધિયાણાના રોડ પર એક અજીબ વાહન ફરતું જોવા મળી રહ્યું છે. આ વાહનને કાર કહેવી કે બાઇક એ મૂંઝવણનો વિષય છે. એનું કારણ એ છે કે તેના માલિકે બાઇકને મૉડિફાય કરીને કાર જેવો લુક આપ્યો છે. આગળથી જુઓ તો જાણે ગાડી લાગે છે. આગળ કારનું બોનેટ જેવું મૂકવામાં આવ્યું છે અને બાઇકની બાજુમાં બીજી એક સીટ પણ બનાવેલી છે. એને કારણે આગળથી એ જીપ જેવી લાગે છે. જોકે પાછળથી બાઇકનું બૉડી ખુલ્લું છે એટલે એ બાઇક છે એવી ખબર પડી જાય છે. રસ્તે જતા એક ભાઈએ આ અજીબોગરીબ વાહનનું રેકૉર્ડિંગ કરવાની સાથે એના ચાલકને ઊભા રાખીને પૂછ્યું તો તેણે કહ્યું કે આ વાહન તેણે જ મૉડિફાય કરેલું છે. જોકે બાઇકની પાછળનો ભાગ હજી બનાવવાનો બાકી છે એટલે એ આગળથી જીપ અને પાછળથી બાઇક લાગે છે. રોડ પર આ વાહન જતું હોય તો એમાં સેફ્ટી માટે હેલ્મેટ પરવાનું કે સીટબેલ્ટ? એવો સવાલ સોશ્યલ મીડિયા યુઝર્સે કર્યો છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK