મધ્ય પ્રદેશમાં સરકારી કર્મચારીઓ જીન્સ અને ટી-શર્ટ પહેરીને ઑફિસ નહીં જઈ શકે

Published: Aug 03, 2020, 13:05 IST | Agencies | Bhopal

મધ્ય પ્રદેશની શિવરાજ સરકારે સરકારી-કર્મચારીઓ અને અધિકારીઓ વિશે એક ફરમાન જાહેર કર્યું છે.

પ્રતીકાત્મક તસવીર
પ્રતીકાત્મક તસવીર

મધ્ય પ્રદેશની શિવરાજ સરકારે સરકારી-કર્મચારીઓ અને અધિકારીઓ વિશે એક ફરમાન જાહેર કર્યું છે. ફરમાન છે કે હવેથી કોઈ પણ સરકારી-કર્મચારીઓ અને અધિકારીઓ જીન્સ કે ટી-શર્ટ નહીં પહેરી શકે. શિવરાજ સિંહ ચૌહાણે જીન્સ-ટી-શર્ટ પહેરીને ઑફિસમાં પ્રવેશ પર પ્રતિબંધ લગાવી દીધો છે અને તમામ કર્મચારીઓને ઑફિસ સમયમાં ફૉર્મલ કપડાં પહેરવા આદેશ આપ્યો છે. આ સાથે તેઓએ કહ્યું છે કે જો કોઈ નિર્ણયનું ઉલ્લંઘન કરશે તો તેમના વિરુદ્ધ કડક કાર્યવાહી કરવામાં આવશે.

મળતી માહિતી અનુસાર ૨૦ જુલાઈએ મુખ્ય પ્રધાનની અધ્યક્ષતામાં વર્ચુઅલ બેઠક થઈ હતી. આ બેઠકમાં મંદસૌર જિલ્લાના વન અધિકારી ટી-શર્ટ પહેરીને બેઠા હતા, જે મામલે મુખ્ય પ્રધાન અને સચિવ નારાજ થયા હતા. તેમણે બેઠક દરમિયાન જ કહી દીધું કે તમામ અધિકારી અને કર્મચારીઓ ફૉર્મલ કપડાં જ પહેરે. જો કોઈ નિયમનું પાલન નહીં કરે તો તેમની વિરુદ્ધ કાર્યવાહી કરાશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK