માણસ જેવી દેખાતી આ માછલી તમે જોઈ છે?

Published: Jul 12, 2020, 17:50 IST | Gujarati Mid-day Online Correspondent | Mumbai

સોશ્યલ મીડિયા પર ચર્ચાનો વિષય બનેલી આ માછલીના હોઠ માણસ જેવા છે

તસવીર સૌજન્ય: ટ્વીટર
તસવીર સૌજન્ય: ટ્વીટર

દુનિયામાં અનેક વિચિત્ર વસ્તુઓ છે. જેમાંથી કેટલીક માણસોના ધ્યાનમાં આવે છે તો ક્યારેક કેટલીક વસ્તુઓ માણસોના ધ્યાનમાં આવતી જ નથી. સમુદ્રી જીવ લોકોમાં કૌતુહલ જન્માવે છે. કેટલાક સમુદ્રી જીવ તો એવા છે જેને માણસોએ જોયા પણ નથી. તાજેતરમાં આવુ જ કૌતુહલ પેદા કર્યું છે માણસ જેવા હોઠ ધરાવતી માછલીએ.

મલેશિયામાં એક માછલી બહુ લોકપ્રિય થઈ છે. જે બાકી બધી માછલીઓ કરતા અનોખી તરી આવે છે. સોશ્યલ મીડિયા પર વાયરલ થયેલી આ માછલી માણસ જેવી જ દેખાય છે. સોશ્યલ મીડિયા પર ચર્ચાનું કારણ બનેલી આ માછલીની વિશેષતા છે તેના ફીચર્સ. કારણકે આ માછલીના હોઠ એકદમ માણસ જેવા જ છે. ફક્ત હોઠ જ નહીં પણ માછલીના દાંત પણ મનુષ્ય જેવા જ છે.

માણસ જેવા હોઠ અને દાંત વાળી આ માછલીને ટ્રાઈગરફિશ નામ આપવામાં આવ્યું છે. જે ખાસ કરીને દક્ષિણ પૂર્વ એશિયાઈ જળ વિસ્તારોમાં જોવા મળે છે. આ માછલીને જોઈ વૈજ્ઞાનિકો પણ હેરાન થઈ ગયા છે કે આખરે આ માછલીના હોઠ એકદમ મનુષ્ય જેવા કઈ રીતે હોય શકે?! તો બીજી બાજુ, સોશ્યલ મીડિયા પર લોકો માછલીની મજાક ઉડાવી રહ્યાં છે.

શું તમને પણ આ માછલીમાં માણસ જેવા ગુણ દેખાયા કે નહીં?!

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK