ગોવાના મુખ્ય પ્રધાન પ્રમોદ સાવંત કોરોના પૉઝિટિવ

Published: 2nd September, 2020 12:55 IST | Gujarati Mid-day Online Correspondent | Panaji

અત્યારે હોમ આઈસોલેશનમાં હોવાની માહિતી ટ્વીટ કરીને આપી, ઘરેથી જ કરશે કામ

પ્રમોદ સાવંત (ફાઈલ તસવીર)
પ્રમોદ સાવંત (ફાઈલ તસવીર)

કોરોના વાયરસ (COVID-19)ની ચપેટમાં વધુ એક રાજકારણી આવી ગયા છે. ગોવોના ભાજપના મુખ્ય પ્રધાન પ્રમોદ સાવંત (Pramod Sawant)ને કોરોના વાયરસનો ચેપ લાગ્યો છે. તેઓ હાલમાં હોમ આઈસોલેશન રહેશે. આ માહિતી તેમણે ટ્વીટ કરીને આપી હતી.

પ્રમોદ સાવંતે ટ્વીટ કરીને જણાવ્યું હતું કે, 'હું બધાને જણાવવા માગુ છું કે હું COVID-19 પૉઝિટિવ આવ્યો છું. હું એસિમ્પટમેટિક (સામાન્ય લક્ષણો) છું. માટે મેં હોમ આઈસોલેશનમાં રહેવાનો નિર્ણય કર્યો છે. હું મારા બધા સત્તાવાર કામ ઘરે જ રહીને જ કરીશ. જે લોકો પણ મારા સંપર્કમાં આવ્યા છે તેમને મારી સલાહ છે કે તે જરૂરી સાવચેતી રાખે.'

નોંધનીય છે કે, ગોવામાં અત્યાર સુધીમાં કોરોના વાયરસના 18,006 કેસ સામે આવ્યા છે. જ્યારે આ વાયરસથી મૃત્યુ પામનારા લોકોની સંખ્યા 194એ પહોંચી ગઈ છે. મંગળારે કોરોનાના એક જ દિવસમાં સૌથી વધારે 588 નવા કેસ ગોવામાં આવ્યા હતા જે રાજ્ય માટે ચિંતાજનક છે.

તમને જણાવી દઈએ કે, આ પહેલા મધ્ય પ્રદેશના ભાજપના મુખ્ય પ્રધાન શિવરાજ સિંહ ચૌહાણ અને અને હરિયાણાના મુખ્ય પ્રધાન મનોહર લાલ ખટ્ટર પણ કોરોના સંક્રમિત થયા છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK