BJPના ભૂતપૂર્વ ધારાસભ્ય જિતેન્દ્ર પટેલ સહિતના 5 નેતાઓ કૉન્ગ્રેસમાં જોડાયા

Published: 18th October, 2012 04:59 IST

ગુજરાત વિધાનસભાની ચૂંટણીનો ધમધમાટ શરૂ થઈ ગયો છે ત્યારે ગુજરાતમાં બીજેપીના ઘરમાં ગાબડું પાડવામાં કૉન્ગ્રેસે સફળતા મેળવી છે. બીજેપીના ભૂતપૂર્વ ધારાસભ્ય ડૉ. જિતેન્દ્ર પટેલ સહિત પાટીદાર સમાજ સાથે સંકળાયેલા અગ્રણીઓએ ગઈ કાલે વિધિસર રીતે કૉન્ગ્રેસમાં જોડાઈ ગયા હતા.



અમદાવાદમાં ગઈ કાલે કૉન્ગ્રેસ કચેરીમાં અમદાવાદ સાબરમતી વિધાનસભા બેઠકના બીજેપીના ભૂતપૂર્વ ધારાસભ્ય અને હાલમાં ઑલ ઇન્ડિયા મેડિકલ અસોસિએશનના પ્રમુખ ડૉ. જિતેન્દ્ર પટેલ, જનસંઘના જમાનાથી કાર્યરત રમેશ પટેલ ( દુધવાળા), ગુજરાત સ્ટેટ કો-ઑપરેટિવ ફાઇનૅન્સના ભૂતપૂર્વ ચૅરમૅન અને જિલ્લા પંચાયતના સભ્ય અમૃત પટેલ, ઍડવોકેટ ભરત પટેલ તેમ જ કમલેશ શાહ બીજેપી છોડી કૉન્ગ્રેસમાં જોડાયા. કૉન્ગ્રેસના પ્રદેશપ્રમુખ અજુર્ન મોઢવાડિયાએ બીજેપીના આ અગ્રણીઓને કૉન્ગ્રેસમાં વિશ્વાસ મૂકવા માટે આભાર માની તેમને આવકાર્યા હતા.

બીજેપી = ભારતીય જનતા પાર્ટી

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK