ફૂડ-ઇન્ફ્લેશન ઘટીને માત્ર ૦.૪૨ ટકા

Published: Dec 30, 2011, 05:11 IST

સરકારે ગઈ કાલે કરેલી જાહેરાત મુજબ ૧૭ ડિસેમ્બરે પૂરા થયેલા સપ્તાહમાં ફૂડ-ઇન્ફ્લેશન ઘટીને ૦.૪૨ ટકા થયું છે જે અગાઉના સપ્તાહમાં ૧.૮૧ ટકા અને એક વર્ષ અગાઉ ૧૫.૪૮ ટકા હતું. ફૂડ-ઇન્ફ્લેશન ઘટીને છ વર્ષના નીચા લેવલે પહોંચ્યું છે.

 

છેલ્લા એક વર્ષમાં કઠોળના ભાવ ૧૪.૦૭ ટકા, દૂધના ૧૧.૩૦ ટકા, ફ્રૂટ્સના ૮.૪૬ ટકા અને અનાજના ભાવ ૨.૧૫ ટકા વધ્યા છે. કાંદાના ભાવમાં ૫૯.૦૪ ટકા, બટાટામાં ૩૩.૭૬ ટકા, ઘઉંમાં ૩.૩૦ ટકા અને શાકભાજીના ભાવમાં ૩૬.૦૨ ટકાનો ઘટાડો થયો છે.

ફુગાવો ઘટીને ૬ ટકા થશે : પ્રણવ મુખરજી

ફૂડ ઇન્ફ્લેશન ઘટીને એક ટકા કરતાં પણ ઓછો થઈ ગયો છે એને ધ્યાનમાં લઈને નાણાપ્રધાન પ્રણવ મુખરજીએ ગઈ કાલે દિલ્હીમાં જણાવ્યું હતું કે ‘જો ફૂડ-ઇન્ફ્લેશનમાં ઘટાડાનો ટ્રેન્ડ જળવાઈ રહેશે તો માર્ચ ૨૦૧૨ સુધીમાં ફુગાવો ઘટીને ૬ ટકાના લેવલે આવી જશે. જોકે એ છ ટકા કરતાં નીચે નહીં જાય, કારણ કે અગાઉનાં અઠવાડિયાંઓમાં ફુગાવાનું પ્રેશર વધુ હતું.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK