ભિવંડીની પાવરલૂમની ફૅક્ટરીમાં ભીષણ આગ
પ્રતીકાત્મક તસવીર
રાજ્યના થાણે જિલ્લામાં આવેલા ભિવંડી શહેરમાં ગઈ કાલે વહેલી સવારે પાવરલૂમની ફૅક્ટરીમાં ભીષણ આગ ફાટી નીકળી હોવાનું અધિકારીઓએ જણાવ્યું હતું. જોકે આ આગમાં કોઈ જાનહાનિ થઈ નથી.
થાણે મહાનગરપાલિકાના રીજનલ ડિઝૅસ્ટર મૅનેજમેન્ટ સેલના સંતોષ કદમે કહ્યું હતું કે વહેલી સવારે ૨.૨૦ વાગ્યે નાયગાંવ રોડ પર આવેલી ફૅક્ટરીમાં આગ લાગી હતી.
ADVERTISEMENT
ભિવંડી નિઝામપુર શહેર મહાનગરપાલિકાના ફાયર-ફાઇટર્સે લગભગ બે કલાકની જહેમત બાદ આગ પર કાબૂ મેળવ્યો હતો. આ ઘટનામાં પાવરલૂમની ફૅક્ટરી સંપૂર્ણપણે બળીને ખાખ થઈ ગઈ હતી એમ સંતોષ કદમે જણાવ્યું હતું. આગનું કારણ હજી સુધી જાણી શકાયું નથી.
ભાઈંદરમાં ગૅસની પાઇપલાઇન ફૂટતાં ફેલાયો ગભરાટ
ભાઈંદર (ઈસ્ટ)માં ફૅમિલી કૅર હૉસ્પિટલ નજીક ગુરુવારે મોડી રાતે ગૅસની પાઇપલાઇન ફૂટી ગઈ હતી. ફાયર-બ્રિગેડની ચાર ગાડી તરત જ ઘટનાસ્થળે પહોંચી હતી અને ગૅસ-લીકેજ પર નિયંત્રણ મેળવ્યું હતું. ગૅસનો ફુવારા મોટો હોવાથી પરિસરમાં ગભરાટ ફેલાઈ ગયો હતો.
