આંગળીની સાઇઝનો વામન વાનર

બ્રાઝિલનાં વરસાદી જંગલોમાં થતા પિગ્મી મૅર્મોસેટ્સ પ્રજાતિના વાનરને તાજેતરમાં સત્તાવાર રીતે વિશ્વનો સૌથી વામન વાનર જાહેર કરવામાં આવ્યો હતો. આંગળીની સાઇઝના આ વાનરની ઊંચાઈ માત્ર પાંચથી છ ઇંચ હોય છે તથા એનું વજન ૧૩૦ ગ્રામ હોય છે. તેમને સામાન્ય રીતે ફિંગર મંકીઝ, પૉકેટ મંકીઝ કે લિટલ લાયન તરીકે ઓળખવામાં આવે છે. તાજેતરમાં ઇન્ટરનેટ પર આ પ્રજાતિના વાનરોની તસવીરો લોકપ્રિય બની હતી.