એલિફન્ટ સૅન્ટાએ લાલ ટોપીની સાથે માસ્ક પહેરીને વહેંચી ગિફ્ટ્સ
થાઇલેન્ડમાં સૅન્ટા ક્લોઝની પધરામણી હાથીઓના રૂપે થઈ હતી. આ સાન્તા પરંપરાગત ગાડીઓમાં આવવાને બદલે એક હાથીના રૂપમાં આવ્યા હતાં અને તેમણે સેંકડો બાળકોમાં ફેસમાસ્ક વહેંચ્યા હતાં.
સાન્તાની કેપ પહેરીને હાથી પર બેઠેલા મહાવતે રસ્તા પર ફરી રહેલા લોકોમાં કેપ વહેંચવા ઉપરાંત હાથીની સુંઢમાં પકડેલી બાસ્કેટમાંથી સ્કુલના બાળકો અને ડ્રાઇવર્સને પ્રોટેક્ટિવ માસ્કની વહેંચણી કરી હતી. આ પ્રાંતમાં છેલ્લા બે દાયકાથી વર્ષના અંતે ક્રિસમસ દરમ્યાન હાથીઓ સુંઢથી બાળકોમાં કેન્ડી અને રમકડાંની ગિફ્ટની વહેંચણી કરે છે જોકે આ વર્ષે મહામારીને ધ્યાનમાં રાખી સોશ્યલ ડિસ્ટન્સિંગનું પાલન કરી સ્કુલની બહાર જ રહીને હાથીએ બાળકોને કેન્ડી અને રમકડાંને બદલે બાળકોમાં ફેસમાસ્કની વહેંચણી કરી હતી.
