પાંચ રાજ્યોમાં વિધાનસભાની ચૂંટણી માટેની તારીખો જાહેર

Published: Dec 25, 2011, 05:01 IST

ગોવા, મણિપુર, પંજાબ, ઉત્તર પ્રદેશ અને ઉત્તરાખંડમાં ૨૮ જાન્યુઆરીથી ત્રણ માર્ચ દરમ્યાન ઇલેક્શન થશે



ઇલેક્શન કમિશને ગઈ કાલે ગોવા, મણિપુર, પંજાબ, ઉત્તર પ્રદેશ અને ઉત્તરાખંડ એમ પાંચ રાજ્યોની આગામી વિધાનસભાની ચૂંટણીની તારીખો જાહેર કરી દીધી છે. આ રાજ્યોમાં ૨૮ જાન્યુઆરીથી ૩ માર્ચ વચ્ચેના સમયગાળા દરમ્યાન ઇલેક્શન યોજવામાં આવશે.

ઉત્તર પ્રદેશમાં આ વિધાનસભાની ચૂંટણી ૪, ૮, ૧૧, ૧૫, ૧૯, ૨૩ અને ૨૮ ફેબ્રુઆરીએ એમ ૭ તબક્કામાં યોજવામાં આવશે. પંજાબ અને ઉત્તરાખંડમાં ૩૦ જાન્યુઆરીએ, જ્યારે ગોવામાં ૩ માર્ચે અને મણિપુરમાં ૨૮ જાન્યુઆરીએ વિધાનસભાની ચૂંટણીનું આયોજન કરવામાં આવ્યું છે.

ચીફ ઇલેક્શન કમિશનર એસ. વાય. કુરેશીએ કહ્યું છે કે ‘આ તમામ રાજ્યોની ચૂંટણીના મતોની ગણતરી ૪ માર્ચે કરવામાં આવશે. આ પાંચ રાજ્યોમાં વિધાનસભાની ચૂંટણી વખતે કાયદો અને વ્યવસ્થાની સ્થિતિની જાળવણી કરવા માટે રાજ્યની પોલીસ સિવાય કુલ ૮૦,૦૦૦ જેટલા પૅરામિલિટરી ર્ફોસના સ્ટાફને કામે લગાડવામાં આવશે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK