મુંબઈ કસ્ટમ્સે કર્યું ૧૫ કિલો પાર્ટી ડ્રગ જપ્ત

Published: 27th September, 2012 05:04 IST

બુધવારે વહેલી સવારે મુંબઈ કસ્ટમ્સે પંદર કિલો જેટલું પાર્ટી ડ્રગ જપ્ત કર્યું છે. એની કિંમત ઇન્ટરનૅશનલ માર્કેટમાં આશરે બે કરોડ રૂપિયા થાય છે.

આ ડ્રગ અલગ-અલગ કન્સાઇનમેન્ટમાં ટી-બૅગ્સ અને મીઠાના પૅકેટમાં સંતાડાયેલું હતું. ઍર ઇન્ટેલિજન્સ યુનિટ પાસેથી મળેલી ટિપને આધારે મુંબઈ કસ્ટમ્સે બુધવારે વહેલી સવારે ત્રણ વાગ્યાની આસપાર લંડન જતા ઍરક્રાફ્ટ કાર્ગો પર રેઇડ પાડી હતી. આ કાર્ગોએ સ્ક્રીનિંગની તમામ પ્રક્રિયા પાર કરી લીધી હતી અને એ લોડ થવાની તૈયારીમાં જ હતો. આ કન્સાઇન્મેન્ટ કતાર ઍરવેઝ અને ઍર ઇન્ડિયાની લંડન જતી બે અલગ-અલગ ફ્લાઇટ દ્વારા લંડન સુધી પહોંચાડવાનું આયોજન હતું.

આ ડ્રગનું કન્સાઇનમેન્ટ ઝડપવા માટે કસ્ટમ્સ ડિપાર્ટમેન્ટે પાંચ ટન કાર્ગોની તપાસ કરવી પડી હતી અને પછી ટી-બૅગ્સ અને મીઠાના પૅકેટમાં સીલ કરાયેલા ડ્રગ્સનું કન્સાઇનમેન્ટ મળી આવ્યું હતું. પોલીસ હવે આ કન્સાઇનમેન્ટ બુક કરાવનાર વ્યક્તિની શોધ ચલાવી રહી છે અને આશા છે કે તેને ઝડપવાથી ડ્રગ્સની હેરફેર કરવાની આંતરરાષ્ટ્રીય સાઠગાંઠની માહિતી મળી શકશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK