આ ભાઈએ ઊંધા માથે ઊભા રહીને વાળ ધોવાનું મશીન બનાવ્યું

ચીન | Jun 16, 2019, 09:11 IST

દરેક શોધ કંઈ થોમસ આલ્વા એડિસન જેવી ચમકદાર અને ઉપયોગી જ હોય એવું જરૂરી નથી.

આ ભાઈએ ઊંધા માથે ઊભા રહીને વાળ ધોવાનું મશીન બનાવ્યું
આ ભાઈએ ઊંધા માથે ઊભા રહીને વાળ ધોવાનું મશીન બનાવ્યું

દરેક શોધ કંઈ થોમસ આલ્વા એડિસન જેવી ચમકદાર અને ઉપયોગી જ હોય એવું જરૂરી નથી. ક્યારેક અળવીતરા લોકો સાવ જ કામની ન હોય એવી ચીજોની શોધ કરી નાખે છે. ચીનના હુબેઈ પ્રાંતના બાઓડિંગ શહેરમાં રહેતા ગૅન્ગ શુઆઇ નામના ૩૧ વર્ષના ભાઈએ અપસાઇડ-ડાઉન હેરવૉશિંગ મશીન તૈયાર કર્યું છે. એનો ઉપયોગ શું થશે એની ખબર નથી, પરંતુ ભાઈનું માનવું છે કે જો તમારે કસરત કરતાં-કરતાં વાળ ધોવા હોય તો એ વાપરી શકાય એમ છે. આ ડિવાઇસ તમારા ગાર્ડનમાં સેટ કરવું પડે એમ છે. એક સ્ટૅન્ડ પર ઊભા રહીને બેલ્ટ દ્વારા એના પર ફિક્સ થવાનું અને પછી એ સ્ટૅન્ડ ધીમે-ધીમે ઊલટું થઈને તમારું માથું પાણીથી ભરેલી બાલદીમાં બોળી દે.

આ પણ વાંચો : પિતાની જિંદગી બચાવવા પુત્ર કરી રહ્યો છે આ કામ

એ બાલદીમાં પાણીનો વાલ્વ, ડ્રેનેજ સિસ્ટમ અને હેરડ્રાયર બધું જ છે. માથું ધોવાનું કામ થતું હોય ત્યારે તમે ઊંધા માથે ઊભા રહીને એક્સરસાઇઝ પણ કરી શકો છો. ઇન્ટરનેટ પર ગૅન્ગભાઈનું આ સંશોધન જોઈને બધાને નવાઈ લાગે છે કે આવી યુઝલેસ ચીજનું સંશોધન શું કામનું?

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK