બ્રાઝિલિયન માતાને જન્મ્યો બે માથાંવાળો દીકરો

Published: Dec 23, 2011, 06:17 IST

આ કૉન્જૉઇન્ડ ટ્વિન્સના શરીરમાં એક હૃદય અને લિવર તથા એક જોડી ફેફસાં છે



બ્રાઝિલમાં પચીસ વર્ષની મારિયા ડી નાઝરેએ સોમવારે વહેલી સવારે કૉન્જૉઇન્ડ ટ્વિન્સનાં લક્ષણો ધરાવતા એક દીકરાને જન્મ આપ્યો છે. આ વર્ષે બ્રાઝિલમાં કૉન્જૉઇન્ડ ટિ્વન્સના જન્મની આ બીજી ઘટના છે. આ દીકરાને બે વિકસિત મગજ ધરાવતાં બે મસ્તક્ તથા બે કરોડરજ્જુ છે, પણ તેમનાં શરીર એકબીજા સાથે જોડાયેલાં હોવાને કારણે તેઓ સામાન્ય બાળકની જેમ એક હૃદય, એક લિવર અને એક જ જોડી ફેફસાં ધરાવે છે. ૯.૯ પાઉન્ડ વજન ધરાવતા આ બાળકનો જન્મ ઇમર્જન્સી સિઝેરિયન દ્વારા કરાવવામાં આવ્યો હોવા છતાં અત્યારે તે એકદમ સ્વસ્થ છે.

સામાન્ય રીતે આ પ્રકારના ટ્વિન્સને સર્જરીથી અલગ પાડવાનું શક્ય નથી હોતું અને તેમણે આખું જીવન સાથે જ ગાળવું પડે છે. આ ટ્વિન્સની માતા મારિયા જ્યારે સગર્ભા હતી ત્યારે તેને જણાવવામાં આવ્યું હતું કે તે જોડિયાં સંતાનોને જન્મ આપવાની છે, પણ પછી ક્રમશ: તબીબી તપાસ પછી ડૉક્ટરોને ખબર પડી હતી કે બે મગજ અને બે કરોડરજ્જુ ધરાવતો આ ગર્ભ એક જ હૃદય, લિવર તથા એક જોડી ફેફસાં ધરાવે છે. જોકે આમ છતાં મારિયાએ આ સંતાનને જન્મ આપવાનો નિર્ણય લીધો હતો. આ સંતાનનું આગમન ક્રિસમસની ઉજવણી વખતે થયું હોવાને કારણે મારિયાએ આ સંતાનોને ઇમૅન્યુઅલ અને જીઝસ નામ આપ્યાં છે.
Loading...
 

સંબંધિત સમાચાર

     
    Loading...
    Loading...
    This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK