વિધાનસભાની ચૂંટણીમાં કૉન્ગ્રેસના ધબડકા માટે રાજ્યનું નેતૃત્વ દોષી : અશોક ચવાન

Published: 20th October, 2014 05:48 IST

મહારાષ્ટ્ર વિધાનસભાની ચૂંટણીમાં કૉન્ગ્રેસના ધબડકા માટે ‘મોદી-વેવ’ કારણભૂત હોવાની ચર્ચાઓને રદિયો આપતાં ભૂતપૂર્વ મુખ્ય પ્રધાન અશોક ચવાણે આ પરાજયના દોષનો ટોપલો પક્ષના રાજ્યના નેતૃત્વ પર ઢોળ્યોહતો.




મહારાષ્ટ્ર વિધાનસભાની ચૂંટણીમાં BJPના વિજય સંદર્ભે ટિપ્પણી કરતાં તેમણે કહ્યું હતું કે ‘મોદી-વેવને લીધે BJPનો વિજય થયો હોય એ વાતમાં દમ નથી. આ બાબત હરીફરીને

ઍન્ટિ-ઇન્કમ્બન્સી ફૅક્ટર પર આવે છે. પક્ષના રાજ્યના નેતૃત્વે દરેક મુદ્દો જવાબદારીથી હૅન્ડલ કર્યો હોત તો આજે જે છે એના કરતાં અમારી સ્થિતિ વધારે સારી હોત. છેલ્લી ઘડીએ કૉન્ગ્રેસ-NCPનું ગઠબંધન તૂટી જતાં મતદારોના મનમાં પક્ષની ઇમેજ પર અસર થઈ હતી.’

નાંદેડના સંસદસભ્ય અશોક ચવાણે પરાજયની સમીક્ષા કરતાં જણાવ્યું હતું કે ‘છેલ્લાં ૧૫ વર્ષોમાં અમે અમારા રાજ્યના લોકોના કલ્યાણ માટે ઘણી મહેનત કરી, પરંતુ અમે મારી અચીવમેન્ટ્સને જનતા સમક્ષ પ્રોજેક્ટ કરવામાં નિષ્ફળ ગયા. જો પક્ષના રાજ્યના નેતૃત્વે ઇલેક્શનના ઇશ્યુને કાળજીપૂર્વક હૅન્ડલ કર્યો હોત તો આટલી નામોશી ન મળી હોત.’ 

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK