ફેસબુક પ્રકરણના અહેવાલમાં ખાતાકીય તપાસની ભલામણ

Published: 24th November, 2012 06:56 IST

કોંકણ રેન્જના ઇન્સ્પેક્ટર જનરલ ઑફ પોલીસ સુખવિંદર સિંહે ગઈ કાલે ડિરેક્ટર જનરલ ઑફ પોલીસ સંજીવ દયાળ અને તેમના બીજા સિનિયરો સમક્ષ પાલઘરની બે યુવતીઓના ધરપકડના મામલામાં વિગતવાર તપાસ કરીને ૧૫૦ પાનાંનો રિપોર્ટ રજૂ કર્યો છે.




પાલઘરની આ બે યુવતીઓએ શિવસેનાના નેતા બાળ ઠાકરેના અવસાન પછી મુંબઈ  બંધના એલાનના વિરોધમાં સોશ્યલ નેટવર્કિંગ વેબસાઇટ ફેસબુક પર નકારાત્મક કમેન્ટ કરતાં ગયા રવિવારે પાલઘર પોલીસે આ બે યુવતીઓ શાહીન ધડા અને રેણુ શ્રીનિવાસનની આ મામલે ધરપકડ કરતાં મોટો વિવાદ થયો હતો. આ મામલામાં પછી શિવસૈનિકોએ ઑર્થોપેડિક ડૉક્ટર તરીકે પ્રૅક્ટિસ કરતા શાહીનના કાકાના ક્લિનિક પર હુમલો કરીને ભારે નુકસાન પણ પહોંચાડ્યું હતું. આ મામલામાં શિવસૈનિકોએ આ બે યુવતીઓ વિરુદ્ધ પોલીસ-ફરિયાદ પણ નોંધાવી હતી.

આ મામલાની સંપૂર્ણ તપાસ પછી આપવામાં આવેલા વિગતવાર રિપોર્ટમાં સુખવીન્દર સિંહે આ કેસમાં તપાસ હાથ ધરનાર પાલઘર પોલીસ વિરુદ્ધ ડિપાર્ટમેન્ટ ઇન્ક્વાયરી શરૂ કરવાની ભલામણ કરી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK