આલ્બર્ટ આઇન્સ્ટાઇનનાં ફેવરિટ રમકડાં ૪૩ લાખ રૂપિયામાં વેચાવા નીકળ્યા
જગવિખ્યાત સાયન્ટિસ્ટ આલ્બર્ટ આઇન્સ્ટાઇને જે રમકડાંથી રમીને બાળપણમાં મજા માણી હતી એ રમકડાં મળી આવ્યા છે જે તાજેતરમાં એક ઑક્શનમાં વેચાવા નીકળ્યા છે. ન્યુ યૉર્કના બૉન્હૅમ્સ ઑક્શન હાઉસ દ્વારા આ રમકડાંની હરાજી આવતા મહિને કરવામાં આવશે. એમાં એક જર્મન ગેમ છે જેમાં ૫૨૦ જેટલાં રંગીન બૉલ્સ છે અને એને ચોક્કસ પૅટર્ન બનાવીને ફ્રેમમાં ભરાવવામાં આવે છે. ગેમ્સની બનાવટ પરથી એ ૧૮૭૦ની સાલમાં બની હોવાનું લાગી રહ્યું છે. આઇન્સ્ટાઇનનાં બહેન મેજાનું કહેવું છે કે આલ્બર્ટ નાના હતા ત્યારે જે ગેમ રમ્યા છે એ તેમની બૌદ્ધિક ક્ષમતા દર્શાવે છે. એમાં મોટા ભાગે પઝલ્સ અને બિલ્ડિંગ બૉક્સ વધુ હતા. ઑક્શનના નિષ્ણાતોના મતે આ રમકડાં ૪૬૦૦૦ પાઉન્ડ્સ એટલે કે લગભગ ૪૩ લાખ રૂપિયામાં વેચાય એવો અંદાજ છે.
