નવા સિવિલ એવિયેશન મિનિસ્ટર અજિત સિંહ

ઉત્તર પ્રદેશની ચૂંટણી પહેલાં દેશના નવા સિવિલ એવિયેશન મિનિસ્ટર તરીકે રાષ્ટ્રીય લોક દળના વડા અજિત સિંહની પસંદગી કરવામાં આવી છે.

અત્યાર સુધી આ જવાબદારી વ્યાલાર રવિએ સંભાળી હતી. અજિત સિંહ ૧૮ ડિસેમ્બરે શપથ ગ્રહણ કરશે. લોકસભામાં રાષ્ટ્રીય લોક દળના પાંચ સભ્યો છે અને ગઈ કાલે તેઓ ઔપચારિક રીતે યુપીએ (યુનાઇટેડ પ્રોગ્રેસિવ અલાયન્સ) સાથે જોડાઈ ગયા હતા. આ જોડાણને કારણે હવે યુપીએના સંસદસભ્યોની સંખ્યા ૨૭૨માંથી વધીને ૨૭૭ થઈ ગઈ છે.