પ્રેમ આંધળો હોય છે એ આનું નામ, 22વર્ષની કન્યા ૩૩ વર્ષ મોટા પુરુષને પરણી
ક્યારે, કેવી રીતે અને કોના માટે પ્રેમની સરવાણીઓ દિલમાં ફૂટી નીકળે એ કોઈનાય માટે પ્રૅડિક્ટેબલ નથી હોતું. અજય દેવગણની તબુ અને રકુલ પ્રીત સિંહ સાથેની ફિલ્મ ‘દે દે પ્યાર દે’ની જેમ જસ્ટ વીસીમાં પ્રવેશેલી કોડભરી કન્યા આધેડવયના પુરુષના પ્રેમમાં પડી જાય એવું ઘણી વાર હકીકતમાં પણ બની જાય છે.
અમેરિકાના ઓહાયોમાં રહેતા પંચાવન વર્ષના કીથ અને બાવીસ વર્ષની એલિઝાબેથ બોનાનો ગયા વર્ષે ડિસેમ્બર મહિનામાં પહેલી વાર મળ્યા અને પ્રેમ થઈ ગયો. એક-બે મહિના એમ જ કૅઝ્યુઅલ ડેટિંગ કર્યા પછી બન્નેએ લગ્ન કરવાનું નક્કી કર્યું. તેમણે બાકાયદા લગ્ન પણ કર્યા અને હવે આ લગ્નથી સંતાન થાય એવી ખેવના રાખે છે.
ADVERTISEMENT
આ પણ વાંચો: આલિયા ભટ્ટના કારણે બરબાદ થયું તેની બહેન શાહીન ભટ્ટનું કરિયર ?
નવાઈની વાત એ છે કે કીથને પહેલાં લગ્નથી ત્રણ સંતાનો છે. એમાંથી દીકરો જસ્ટિન તો તેની નવી મમ્મી કરતાં ચાર વર્ષ મોટો છે. જ્યારે બીજાં બે સંતાનો મૅકકાયલા અને સ્કૉટી અનુક્રમે ૧૮ અને ૧૫ વર્ષનાં છે જે એલિઝાબેથને પોતાની ફ્રેન્ડ જેવાં માને છે. જ્યારે પણ એલિઝાબેથ અને કીથ બહાર ફરવા જાય ત્યારે લોકો તેમને બાપ-દીકરી જ કહે છે. એમ છતાં બન્ને ખુશ હોવાનો દાવો કરે છે. તાજેતરમાં તેમણે એક ઇન્ટરવ્યુમાં કહેલું કે લોકો ઉંમરના ભેદને કારણે ભલે નકારાત્મક કમેન્ટ્સ કરતા હોય તોય એને અમે ધ્યાનમાં નથી લેતાં.
