૭ કરોડની ૧૪ ગરોળી

Published: Sep 11, 2020, 07:43 IST | Mumbai correspondent | Mumbai

પરંપરાગત દવાઓ બનાવવામાં વપરાતી આ ગરોળીઓની કિંમત આંતરરાષ્ટ્રીય માર્કેટમાં ૭ કરોડ રૂપિયાની મનાય છે.

૭ કરોડની ૧૪ ગરોળી
૭ કરોડની ૧૪ ગરોળી

બૉર્ડર સિક્યૉરિટી ફોર્સે બુધવારે પશ્ચિમ બંગાળના ઉત્તર ૨૪ પરગણા જિલ્લામાં ભારત-બંગલા દેશ સરહદ પરથી દાણચોરી દ્વારા લાવવામાં આવતી ટોકે નામની દુર્લભ પ્રજાતિની ૧૪ ગરોળીઓ પકડી પાડી છે. પરંપરાગત દવાઓ બનાવવામાં વપરાતી આ ગરોળીઓની કિંમત આંતરરાષ્ટ્રીય માર્કેટમાં ૭ કરોડ રૂપિયાની મનાય છે.
બીએસએફના જવાનોએ પરગુમટી સીમાચોકી પર એક સંદિગ્ધ વ્યક્તિને થેલો લઈને જતો જોયો અને તેનો પીછો કરવાની શરૂઆત કરી તો તે થેલો છોડીને નાસી ગયો હતો. આ થેલામાં દુર્લભ પ્રજાતિની ગરોળીઓ હતી. આ ગરોળીઓ વન વિભાગને સોંપવામાં આવી છે. એશિયા અને પેસેફિક મહાસાગરના કેટલાક હિસ્સામાં જોવા મળતી આ ગરોળીઓ ઝાડ પર રહે છે અને એક્ઝૉટિક ગણાતી હોવાથી કરોડો રૂપિયામાં વેચાય છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK