પનીર-ફુદીના પુલાવ

પનીર-ફુદીના પુલાવ

ADVERTISEMENT

સામગ્રી

•  અડધો કપ પનીરના ચોરસ ટુકડા
•  એક કપ બાસમતી ચોખા
•  એક કપ બારીક સમારેલાં ફુદીનાનાં પાન
•  એક ચમચો તેલ
•  બે ચમચા ઘી
•  એક બારીક સમારેલો કાંદો
•  એક ઇંચ આદુંનો ટુકડો
•  ચાર લસણની કળી
•  ત્રણ લીલાં મરચાં
•  ત્રણ લવિંગ
•  બે એલચી
•  એક ટુકડો તજ
•  બે કપ નારિયેળનું દૂધ

રીત

ચોખાને ધોઈને બે કલાક પલાળો. એક પૅનમાં તેલ ગરમ કરો. એમાં પનીરને સોનેરી રંગના થાય ત્યાં સુધી તળી લો અને અલગ રાખો. લીલાં મરચાં, આદું અને લસણની પેસ્ટ બનાવી લો. એક પૅનમાં ઘી ગરમ કરી એમાં એલચી, લવિંગ અને તજ ઉમેરી સાંતળો. ત્યાર બાદ એમાં તૈયાર કરેલી આદું-મરચાં અને લસણની પેસ્ટ ઉમેરી બે મિનિટ માટે સાંતળો. હવે કાંદા ઉમેરી સાંતળો. તેલ છૂટું પડે એટલે એમાં પલાળેલા ચોખા, ફુદીનાનાં પાન અને પનીર ઉમેરી બરાબર મિક્સ કરો. નારિયેળનું દૂધ ઉમેરી ૮-૧૦ મિનિટ સુધી ચઢવા દો. ભાત ચઢી જાય એટલે સર્વિંગ પ્લેટમાં કાઢો, રાયતા અથવા દહીં સાથે ગરમ પીરસો.