ચિલી ચના
ADVERTISEMENT
સામગ્રી
૩૦૦ ગ્રામ બાફેલા કાબુલી ચણા
બે ચમચા તેલ
એક ચમચો બારીક સમારેલું આદું
૪-૫ કળી લસણ ઝીણું સમારેલું
ïએક મધ્યમ કદનો કાંદો ઝીણો સમારેલો
બે લીલાં મરચાં ઝીણાં સમારેલાં
બે કૅપ્સિકમ લાંબું સમારેલાં
અડધી ચમચી લાલ મરચું
એક ચમચી લાલ મરચાંની પેસ્ટ
એક ચમચી સોય સૉસ
મીઠું સ્વાદ પ્રમાણે
રીત
એક નૉન સ્ટિક પૅનમાં તેલ ગરમ કરો. એમાં આદું અને લસણ ઉમેરી બે મિનિટ માટે સાંતળો. ત્યાર બાદ એમાં કાંદા, લીલા મરચાં અને કૅપ્સિકમ ઉમેરી ત્રણથી ચાર મિનિટ માટે સાંતળો. ત્યાર બાદ લાલ મરચાં પાઉડર અને લાલ મરચાંની પેસ્ટ ઉમેરી ફરી સાંતળો. બરાબર સંતળાઈ જાય એટલે પા કપ પાણી અને સોય સૉસ ઉમેરો. બરાબર હલાવો. મીઠું ઉમેરી બરાબર મિક્સ કરો.
હવે આ મિશ્રણમાં બાફેલા કાબુલી ચણા ઉમેરી બરાબર મિક્સ કરો. ૪-૫ મિનિટ સુધી સાંતળો. ગરમ સર્વ કરો.
