Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > લાઇફસ્ટાઈલ સમાચાર > સેક્સ એન્ડ રિલેશનશિપ > આર્ટિકલ્સ > ડાયાબિટીઝ આવ્યા પછી સેક્સની ઇચ્છા થતી નથી

ડાયાબિટીઝ આવ્યા પછી સેક્સની ઇચ્છા થતી નથી

17 May, 2023 02:42 PM IST | Mumbai
Dr. Mukul Choksi | askgmd@mid-day.com

ડાયાબિટીઝની દવાની આડઅસરને કારણે કદી સેક્સ-લાઇફમાં પ્રૉબ્લેમ થવાનું મેં મારી પ્રોફેશનલ કરીઅર દરમ્યાન ક્યારેય સાંભળ્યું નથી.

પ્રતીકાત્મક ફાઇલ તસવીર કામવેદ

પ્રતીકાત્મક ફાઇલ તસવીર


મારી ઉંમર ૪૮ વરસની છે. જનરલ સમસ્યાઓ લઈને ફૅમિલી ડૉક્ટર પાસે ગયો હતો અને તેમણે બ્લડ-શુગર ચેક કરવા કહ્યું ને ખરેખર જ મારું બ્લડ-શુગર ખૂબ હાઈ આવ્યું. તેમના કહેવા મુજબ હવે મારે નિયમિત દવા લેવી પડશે. મેં એવું સાંભળ્યું છે કે ડાયાબિટીઝની દવાની આડઅસરને કારણે સેક્સ-લાઇફમાં આગળ જતાં પ્રૉબ્લેમ થઈ શકે છે. આડઅસર ન થાય અને ડાયાબિટીઝ પણ મટે એવું કંઈ ન થાય? મને હજી સુધી ઉત્તેજના આવવામાં તકલીફ નથી, પણ દવાઓ શરૂ કર્યા પછી કામેચ્છા ઘટી ગઈ છે. ડાયાબિટીઝ થયા પછી કેટલાં વરસમાં સેક્સ-લાઇફ ખલાસ થઈ જાય? ચર્ની રોડ

સૌથી પહેલાં તો કહેવું પડશે કે તમે જે સાંભળ્યું છે એ સાવ જ ખોટું છે. ડાયાબિટીઝની દવાની આડઅસરને કારણે કદી સેક્સ-લાઇફમાં પ્રૉબ્લેમ થવાનું મેં મારી પ્રોફેશનલ કરીઅર દરમ્યાન ક્યારેય સાંભળ્યું નથી. એનાથી ઊલટું જો ડાયાબિટીઝને ટ્રીટ કરવામાં ન આવે અને લાંબા સમય સુધી શુગર બ્લડમાં રહેતી હોય તો એનાથી સેક્સ-લાઇફમાં તકલીફ ઊભી થઈ શકે છે માટે આડઅસરની બીકે દવા ન લેતા હો તો નિયમિત લેવાનું શરૂ કરી દો. ડાયાબિટીઝને કારણે લાંબા ગાળે શિશ્નમાં રક્તભ્રમણમાં ઓછપ થવાને કારણે ઉત્થાનમાં તકલીફ થઈ શકે છે. 



બીજું, ડાયાબિટીઝ થયા પછી અમુક-તમુક ચોક્કસ વર્ષે સેક્સ-લાઇફ ખતમ થઈ જાય એવું નથી હોતું. ઘણા લોકોને ડાયાબિટીઝ વિના પણ ઉત્થાનમાં તકલીફ આવે છે તો જે લોકો ડાયાબિટીઝ કાબૂમાં રાખે છે તેમની સેક્સ-લાઇફ લાંબી મજાની ચાલે છે. તમે બ્લડ-શુગર લેવલ કન્ટ્રોલમાં રાખીને તમારી રક્તવાહિનીઓને સ્વસ્થ રાખો એ હેલ્ધી સેક્સ-લાઇફ માટે જરૂરી છે. 


ડાયાબિટીઝ માટેની દવાઓ ઉપરાંત ખાવા-પીવામાં કાળજી રાખો. ફાઇબરવાળાં શાકભાજી, આખા ધાન્યો વધુ લો. પ્રિઝર્વેટિવ્સ, કેમિકલ્સ કે આર્ટિફિશ્યલ કલર્સ વગેરેનું સેવન સદંતર બંધ કરો. એ બધા ઉપરાંત રોજ દિવસમાં ૪૫ મિનિટ હળવી કસરતો અને યોગાસન કરો. રોજ જમ્યા પછી ૧૦ મિનિટ હળવું વૉક લો. એનાથી પાચનક્રિયા સુધરશે. હાર્ટ-રેટ વધે એવી કસરત કરતા રહેવાથી ડાયાબિટીઝ પણ કન્ટ્રોલમાં રહેશે. 


Whatsapp-channel Whatsapp-channel

17 May, 2023 02:42 PM IST | Mumbai | Dr. Mukul Choksi

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK