° °

આજનું ઇ-પેપર
Wednesday, 08 December, 2021


દીકરી સાથે દોસ્તી રાખેલી, પર હવે તે કહ્યામાં નથી રહેતી

08 October, 2021 11:10 AM IST | Mumbai | Sejal Patel

સંતાનોના મિત્ર બનવું જોઈએ એ વાત જેટલી સાચી છે એટલું જ એ પણ ન ભૂલવું જોઈએ કે સંતાનોને માતાપિતાની પણ જરૂર છે જ

પ્રતીકાત્મક તસવીર

પ્રતીકાત્મક તસવીર

મારી દીકરી ૧૭ વર્ષની છે. દીકરી સાથે દોસ્તી રાખીને મેં તેને ઉછેરી છે. લોકો એમ જ માને કે અમે બહેનપણીઓ જ હોઈશું. જોકે હમણાંથી મને એવું લાગે છે કે તેને આપેલી છૂટને કારણે તેના મગજમાં મૉડર્નાઇઝેશનનું ભૂત સવાર થયું છે. તેને એમ કહીએ કે ભલે તમે પહેરવા-ઓઢવામાં મૉડર્ન હો, પણ જ્યારે ઘર સંભાળવાની વાત આવે છે ત્યારે તમારે પરંપરાગત બાબતોને છોડવી ન જોઈએ. હવે મારી વાતોને સાંભળી-ન સાંભળી કરીને ઇગ્નોર કરવા લાગી છે. પોતાને જે જોઈએ એ જોઈએ જ એવી જીદ, ઘરનું કામ તો મને ન ફાવે એવી ફિશિયારીઓ તેનામાં ઘર કરી રહી છે. મેં તેના માટે નિયમ બનાવ્યો છે કે રાતે દસ વાગ્યા પછી દોસ્તો સાથે ફરવાની વાત નહીં કરવાની, પણ તેને એ કઠે છે. તે કહે છે કે જો તને નોકરીમાં અવારનવાર મોડું થઈ જાય છે તો મનેય મોડું થાય એમાં શું વાંધો?

સંતાનોના મિત્ર બનવું જોઈએ એ વાત જેટલી સાચી છે એટલું જ એ પણ ન ભૂલવું જોઈએ કે સંતાનોને માતાપિતાની પણ જરૂર છે જ. ભલે તમે બાહ્ય રીતે બહેનપણીઓ કે બહેનો જેવાં દેખાતાં હો, તમારી અને સંતાન વચ્ચે જે એજ-ડિફરન્સ છે એ કદી ભુલાવું ન જોઈએ. કાચી માટીને ઘડાનું સ્વરૂપ આપવા માટે જરૂર પડ્યે ટપારવાનું કામ પણ માતાપિતા બનીને કરવાનું છે.  

આપણે કાં તો સંતાન જેવડા બનીને રહી શકીએ છીએ, કાં તેને ટોકી-ટોકીને ટૉર્ચર પેરન્ટ્સ બની જઈએ છીએ. બે વચ્ચેનું સંતુલન મહત્ત્વનું છે. દીકરી હોય કે દીકરો, બન્નેને તેમની જવાબદારીઓનું ભાન કરાવવું બહુ જરૂરી છે. રાતે મોડા આવવા બાબતે મા સાથે સરખામણી કરવી હોય તો મમ્મી ઘરની જેટલી જવાબદારીઓ ઉઠાવે છે એમાં પણ હેલ્પ કરતાં શીખવું જરૂરી છે. મમ્મી આમ કરી શકે તો હું કેમ નહીં? એવી દલીલ કરવી હોય તો પહેલાં મમ્મી જે જવાબદારીઓ ઉઠાવે છે, કમાણી કરે છે અને ઘરના તમામ લોકોને સંભાળે છે એ બધું જ સમજવું પડશે. સ્વતંત્રતા આપવાની સાથે જો તમે સંતાનોને જવાબદાર ન બનાવો તો આવી તકલીફો થવાની જ. મિત્ર બનેલું ત્યારે જ સાર્થક થાય જ્યારે તમે પેરન્ટ્સ તરીકે તેમના માટે શું કરો છો અને કેમ કરો છો એની અહેમિયત પણ સમજાવી શકો.

08 October, 2021 11:10 AM IST | Mumbai | Sejal Patel

અન્ય લેખો

સેક્સ એન્ડ રિલેશનશિપ

પ્રાઇવેટ પાર્ટમાં બહુ વાળ છે અને એ બહુ ડાર્ક છે, શું કરવું?

હું એ ભાગના વાળ શેવિંગ પછી ખૂબ ઝડપથી પાછા વધી જાય છે. શેવિંગ કરવાથી એ ભાગ બાકીની બૉડી કરતાં કાળો પડવા લાગ્યો છે. વૅક્સિંગ કે બ્લીચ કરાવી શકાય? કેમિકલ્સથી કોઈ રીઍક્શન તો ન આવેને? 

07 December, 2021 04:11 IST | Mumbai | Dr. Mukul Choksi
સેક્સ એન્ડ રિલેશનશિપ

મૅરેજનાં પાંચ વર્ષ પછી બાળક કરીએ તો ખામીવાળું આવી શકે?

મારી ઉંમર ૨૯ વર્ષની છે, અમે ઈચ્છીએ છીએ કે પહેલાં અમે અમારી સેક્સલાઇફને બરાબર માણીએ અને એ પછી બચ્ચાઓની પળોજણમાં પડીએ

06 December, 2021 04:31 IST | Mumbai | Dr. Mukul Choksi
સેક્સ એન્ડ રિલેશનશિપ

બૉયફ્રેન્ડે મને ફ્રેન્ડ્સના ગ્રુપમાં બદનામ કરી દીધી

આપણી અંગત જિંદગીમાં લોકોને બહુ ઝાંકવા દેવાની છૂટ ન આપવી. જેમ બૉયફ્રેન્ડ સાથે બ્રેકઅપ કર્યું છે એમ તેની સાથે સંકળાયેલી વાતોને પણ પાછળ છોડી દો. 

03 December, 2021 08:05 IST | Mumbai | Sejal Patel

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK