° °

આજનું ઇ-પેપર
Thursday, 30 June, 2022


રેસિપી કૉન્ટેસ્ટ : મળી લો આજના વિનર્સને....

21 May, 2022 11:49 AM IST | Mumbai
Gujarati Mid-day Correspondent | feedbackgmd@mid-day.com

આજે વાંચો પિન્ક પનીર ખીચિયા, પાલક-ઓટ્સ ટિક્કી અને ઇન્સ્ટન્ટ ફરાળી હાંડવોના રેસિપી વિશે

રેસિપી કૉન્ટેસ્ટ રેસિપી કૉન્ટેસ્ટ

રેસિપી કૉન્ટેસ્ટ

પિન્ક પનીર ખીચિયા

પિન્ક પનીર ખીચિયા, ખુશ્બૂ દિવ્ય ભરત છેડા, શિવડી

સામગ્રી ઃ બે નંગ ખીચિયા પાપડ મોટા, બે ટેબલસ્પૂન બટર, બે કપ દૂધ, બે ટીસ્પૂન ઘઉંનો લોટ, અડધી ટીસ્પૂન મરીનો પાઉડર, દોઢ ટીસ્પૂન ઑરેગૅનો, ૧ ટીસ્પૂન ચિલી ફ્લેક્સ, દોઢ ટીસ્પૂન શેઝવાન ચટણી, ૧ ટેબલસ્પૂન મેયોનીઝ, પા ટીસ્પૂન સાકર, ૧ કપ મિક્સ શાક ઝીણું સમારેલું (લાલ, પીળું, લીલું કૅપ્સિકમ, બ્રોકલી, બેબીકૉર્ન), પાંચ કળી લસણ, ૫૦ ગ્રામ પનીરના ટુકડા, બે ક્યુબ ચીઝ, મીઠું સ્વાદ પ્રમાણે
રીત ઃ એક કડાઈમાં દોઢ ટેબલસ્પૂન બટર લઈ એમાં ઘઉંનો લોટ શેકો. એમાં ગરમ દૂધ નાખીને સતત હલાવતા રહો અને મીઠું તેમ જ અડધા મસાલા ઉમેરી દેવા.  મેયોનીઝ, સાકર, સેઝવાન ચટણી નાખીને થોડું ઘટ મિશ્રણ થાય ત્યારે મિશ્રણને નીચે ઉતારી લેવું.  બીજી કડાઈ લઈ એમાં અડધી ટેબલસ્પૂન બટર નાખી લસણની પેસ્ટ સાંતળવી. ઝીણા ટુકડા કરેલાં શાક ઉમેરવાં. બે મિનિટ સાંતળી એમાં પનીરના ટુકડા, સૂકા મસાલા તેમ જ મીઠું નાખવું. ગ્રેવી અને પનીરવાળું બધું શાક મિક્સ કરવું. ખીચિયા પાપડ શેકી એના પર શાક અને પનીર મિક્સ કરેલું મિશ્રણ પાથરવું. એના પર ચીઝ ખમણવું અને ઉપરથી સિઝલિંગ ઑરેગૅનો અને ચિલી ફ્લેક્સ છાંટવાં. અત્યંત સ્વાદિષ્ટ પિન્ક પનીર ખીચિયાનો આનંદ માણો.  
નોંધ ઃ જ્યારે ખાવું હોય ત્યારે જ બનાવવું.

પાલક-ઓટ્સ ટિક્કી

પાલક-ઓટ્સ ટિક્કી, કલ્પના મહેન્દ્ર ગાલા ડોમ્બિવલી-ઈસ્ટ

સામગ્રી ઃ ૧ વાટકી મસાલા ઓટ્સ, ૧ નંગ ઝીણી સમારેલી ડુંગળી, ૧ વાટકી ઝીણી સમારેલી પાલક, ૧ વાટકી ખમણેલી દૂધી, બે નંગ મરચાંની કટકી, લીંબુ જરૂર મુજબ, ચપટી ખાંડ, નમક સ્વાદ અનુસાર, ચપટી ગરમ મસાલો, તેલ કે બટર તળવા માટે
રીત ઃ સૌપ્રથમ પાલક ધોઈ લો. પછી એને ઝીણી સમારી લો. એ જ રીતે દૂધીને ખમણી લેવી.
એક વાસણમાં દૂધી, પાલક, મરચાંની કટકી, ડુંગળી બધું લઈ એમાં ઓટ્સ અને પછી બધા મસાલા ઉમેરીને બરાબર મિક્સ કરો.
હવે એમાંથી હાથની મદદથી ગોળ-ગોળ થેપલી બનાવી એક નૉનસ્ટિક પૅનમાં તેલ કે બટર લઈ આ ટિક્કીને એમાં શેકવા મૂકો અને ઉપર ઢાંકણ ઢાંકીને પાંચ મિનિટ સુધી શેકાવા દો. એક બાજુ શેકાઈ જાય એટલે બીજી બાજુ તરફથી પણ સરસ રીતે શેકી લેવી.
શેકીને તૈયાર થયેલી આ ટિક્કી કેચપ સાથે સર્વ કરો. ખાવામાં ટેસ્ટી લાગતી આ ટિક્કી પાલક ન ખાતાં નાનાં બાળકો માટે હેલ્ધી પણ છે.

ઇન્સ્ટન્ટ ફરાળી હાંડવો

ઇન્સ્ટન્ટ ફરાળી હાંડવો રૂપલ ધર્મેન્દ્ર દેસાઈ ઘાટકોપર-ઈસ્ટ

શેકવાની સામગ્રી ઃ અડધો કપ સામો, એક કપ શિંગદાણા અને પા કપ સાબુદાણા આ બધી સામગ્રીને અલગ-અલગ શેકવી. શિંગનો અધકચરો ભૂકો કરવો. સામાને મિક્સરમાં અધકચરો વાટવો તેમ જ સાબુદાણાનો પણ મિક્સરની મદદથી ભૂકો કરવો. 
અન્ય સામગ્રી ઃ પા કપ સમારેલી કોથમીર, ૧૦થી ૧૨ પાન ફુદીનાનાં ઝીણાં સમારેલાં, અડધો સ્પૂન મરીનો ભૂકો, એક સ્પૂન શેકેલા જીરાનો ભૂકો, મીઠું, આશરે પોણોથી એક કપ જેટલી ખાટી છાશ, એક કપ છીણેલી દૂધી અથવા બટાટાનું છીણ, ૪ તીખાં લીલાં મરચાં, એક ટુકડો આદું, તલ
વઘાર ઃ ૧ સ્પૂન ઘી, જીરું, ૧૦થી ૧૨ મીઠા લીમડાનાં પાન, ૧ સ્પૂન ઇનો
રીત : એક તપેલીમાં સૌપ્રથમ સામાનો ભૂકો, સાબુદાણાનો ભૂકો અને અધકચરા વાટેલા શિંગદાણાનો ભૂકો નાખી મિક્સ કરવું. એમાં વાટેલાં આદુંમરચાં, મીઠું, જીરુંનો ભૂકો, મરી પાઉડર, કોથમીર, ફુદીનો, દૂધીનું છીણ અને ખાટી છાશ નાખી ખીરું તૈયાર કરવું. બરાબર હલાવીને ૧૦ મિનિટ ઢાંકીને રાખો. ત્યાર બાદ તૈયાર કરેલો વઘાર રેડો અને ઇનો નાખી હલાવી તરત જ એક પૅનમાં ઘી, જીરું, તલ નાખી તતડે એટલે બે ચમચા ખીરું નાખી ફેલાવવું. પાંચથી ૭ મિનિટ ઢાંકીને ચડવા દેવું. ગોલ્ડન બ્રાઉન થાય એટલે ફેરવવું અને બીજી સાઇડ પણ પાંચથી ૭ મિનિટ ચડવા દેવું. 
સર્વિંગ ઃ હાંડવાને ચટણી, ચા કે છાશ સાથે લઈ શકાય.

21 May, 2022 11:49 AM IST | Mumbai | Gujarati Mid-day Correspondent

અન્ય લેખો

ફૂડ એન્ડ રેસિપીઝ

આ ચોમાસામાં કારેલાં જરૂર ખાજો

કડવાં કારેલાંનાં ગુણ ન હોય કડવાં એવું આપણા વડવાઓ કહી ગયા છે ત્યારે આ ઋતુમાં શરીરને નીરોગી રાખવા માટે આ કડવું શાક કેમ ખાવું જોઈએ એનું રહસ્ય જાણી લો

29 June, 2022 08:21 IST | Mumbai | Varsha Chitaliya
ફૂડ એન્ડ રેસિપીઝ

ગૅરન્ટી, સૅન્ડી’ઝના થિક શેક દરેક ફૉરેન ફ્રૅન્ચાઇઝીને ટક્કર આપશે

બોરીવલીના એલ. ટી. રોડ પર આવેલી સૅન્ડી’ઝના થિક શેક રિયલ સેન્સમાં થિક છે. એની બીજી મોટી ખાસિયત એ કે અહીં આપણી ટ્રેડિશનલ ફ્લેવર્સની પણ અઢળક વરાઇટી છે જે પેલી ફૉરેન ફ્રૅન્ચાઇઝીમાં નથી હોતી

23 June, 2022 02:50 IST | Mumbai | Sanjay Goradia
ફૂડ એન્ડ રેસિપીઝ

‌મેક્સિકન ચિલીની મજેદાર મિજબાની

બાંદરાના લિન્કિંગ રોડની પાછળ મસ્ત તાપાસ સ્ટાઇલ રેસ્ટોરાં બિન્જમાં અમે હાબનેરો મરચાંની મજાની જયાફત માણી. આમ તો કૉકટેલ અને સ્મૉલ પ્લેટ્સ માટે આ જગ્યા જાણીતી છે, પણ અહીંની વાનગીઓ ઇન્ડિયન પૅલિટને પણ જલસો પાડે એમ છે

23 June, 2022 02:46 IST | Mumbai | Sejal Patel

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK