Hemant Kher: ભાઇની વ્યાખ્યામાં નવું સિમા ચિહ્ન એટલે Scam 1992ના અશ્વિન મહેતા

હેમંત ખેર એન્ટરટેઇનમેન્ટ ઇન્ડસ્ટ્રી માટે નવું નામ નથી. ‘ઇન્ડિયા’ઝ બેસ્ટ સિનેસ્ટાર કી ખોજ’, ‘ઇન્ડિયા’ઝ બેસ્ટ ડ્રામેબાઝ’, ‘એન્ટરટેઇનમેન્ટ કી રાત’ જેવા અનેક શો હેમંત ખેરે ડિરેક્ટ કર્યા છે, ‘નોટબુક’ અને ‘મિત્રોં’ ફિલ્મમાં હેમંત ઑફિશ્યિલ ઍક્ટિંગ કોચ રહ્યા છે તો અનેક ટીવી-સિરિયલ અને રિયલિટી શો તેણે લખ્યા પણ છે.

ગુજરાતી મિડ ડે ડૉટ કોમ સાથેના ઇન્સ્ટાગ્રામ લાઇવની વિશેષ વાતચીતમાં હેમંત ખેરે જણાવ્યું કે તેઓ સતત 16 વર્ષથી અવિરત કાર્ય કરતા આવ્યા છે. તેમણે પોતાની વાત માંડતા કહ્યું કે પોતે સુરત નજીકના એક ગામમાં જન્મ્યા છે અને હાલમાં તેઓ કોસંબા રહે છે.

નાનપણમમાં શિક્ષક મમ્મીનો હાથ ઝાલીને સાત કિલોમિટર ચાલીને શાળાએ ભણવા જતા. ત્રીજા ધોરણમાં તેમણે શ્રવણનું પાત્ર ભજવ્યું અને તેમને ખૂબ પ્રસંશા મળી. ત્યારથી જ મનમાં એક્ટિંગનું બીજ રોપાયું, જો કે ખેડૂત પરિવારમાં જન્મેલા હેમંત ખેરની આસપાસના માહોલમાં અભિનય સાથે કોઇને કશી જ લેવાદેવા નહોતી. 

તેમણે કહ્યું કે તેમના એક્ટિંગ પ્રત્યેના મોહને ઘરમાંથી ત્યારે તો પરમિશન પણ નહોતી મળી. રેસિડેન્શિયલ સ્કૂલમાં અનાયાસ હાથે આવેલું એનએસડીનું બ્રોશર હાથમાં આવ્યું અને બારમા ધોરણમાં ભણતા હેમંત ખેરને તો ત્યારે જ ખબર પડી ગઇ કે તેમણે અહી ંજવાનું છે.

ત્યારે  માહોલ અલગ હતો અને તેમને એનએસડીમાં અભિનય કરવા જવાની છૂટ મળે એવી કોઇ શક્યતાઓ નહોતી. તેમને કહેવાયું કે પહેલાં તો ગ્રેજ્યુએશન કરવું જ પડશે. હેમંત ખેરે બીએસસી વીથ કેમિસ્ટ્રી કર્યું અને સાથે કૉલેજના નાટક વગેરેમાં કરવાનું ચાલુ રાખ્યું. 

બીએસસી કરીને એનએડી પહોંચેલા હેમંત ખેરે ત્યાંના ત્રણ વર્ષમાં અભિનયની સમજ ઘોળીને પી લીધી. ત્યાર પછી મુંબઇની વાટ પકડી અને પછી ફિલ્મ અને ટેલિવિઝનમાં કામ કર્યું. 

સંઘર્ષ તો કામ મળ્યાં છતાં ય ચાલુ હતો કારણકે જે પણ અભિનય કર્યો તેમાંથી કશું ક્લિક ન થયું. તસવીરમાં લાડકી દીકરી સાથે હેમંત ખેર. 

શાબશ ઇન્ડિયાથી માંડીને જસ્ટ ડાન્સ, ડાન્સ ઇન્ડિયા ડાન્સ જેવા અઢળક શોઝ હેમંત ખેરે લખ્યા. ઇન્ડિયાઝ ફર્સ્ટ સુપર સ્ટાર અને ડ્રામેબાઝ જેવા શોઝમાં તે એક્ટિંગ કોચ હતા. 

મોટા નોન ફિક્શન્સ શો લખનારા હેમંત ખેરને એક્ટર તરીકે તો એસ્ટાબ્લિશ થવું જ હતું. સર્જનાત્મકતાને સંતોષ મળે એવું કામ નહોતું મળી રહ્યું. ટેલિવિઝનના કામથી પણ અભિનયની તૃષ્ણા નહોતી છીપાતી.

2016માં ટેલિવિઝન કરવાનું તેમણે બંધ કર્યું. આર્થિક રીતે પણ કપરો સમય રહ્યો પણ મિત્રો ફિલ્મમાં તે ડાયલેક્ટ અને એક્ટિંગ કોચ હતા અને ફિલ્મ સેટની પ્રોસેસ તે બહુ સારી રીતે સમજી શક્યા. આ દરમિયાન તેમણે સ્કેમ 1992નું ઑડિશન આપ્યું. જાત પરના વિશ્વાસે તેમને આ પહેલાં કોઇ પણ નાના મોટા રોલ સ્વીકારતા અટકાવ્યા.

હેમંત ખેરે આ રોલ માટે આપેલા ઑડિશનમાં પણ 11 શોટ્સ આપ્યા હતા. 2018માં તે આ રોલ માટે સિલેક્ટ થયા અને 2019માં શરૂ થયેલું શૂટિંગ માર્ચ 2020માં પુરું થયું. રિયાલિટી શો લખનારા હેમંત ખેર, સુપરસ્ટાર શાહરૂખ ખાન સાથે...

હેમંત બહુ અચ્છા કૂક પણ છે. અશ્વિન મહેતાના પાત્રમાં જે ધીર ગંભીરતા છે તે જ હેમંત ખેર તેમના એક્ટિંગ કોચિંગમાં રિલેક્સેશન સાથે કેળવવાની તાલીમ આપતા જ હોય છે. તસવીરમાં સ્કેમ 1992ના ડાયરેક્ટર હંસલ મહેતા સાથે.

હેમંત ખેરે સ્ટેજ પરના અભિનયના પાયાને ક્યારેય કાચો ન પડવા દીધો. અભિનય પ્રત્યેની ધગશ તેમની જર્નીનું ઇંધણ બની રહ્યું. તેમણે પ્રતિક ગાંધી એટલે કે હર્ષદ મહેતાના ભાઇનો રોલ ભજવવાની શરૂઆત કરી તો તે સેટ પર પ્રતિકને ભાઇ કહીને જ બોલાવતા. તેમની જુની ઓળખાણ અને ભાઇઓ પ્રકારની એકબીજા પ્રત્યેની લાગણી આ સિરીઝમાં સ્ક્રીન પર પણ પરફેક્ટલી ટ્રાન્સલેટ થઇ છે.

હેમંત ખેરને રિયલ લાઇફ અશ્વિન મહેતાને મળવાની બહુ જ ઇચ્છા છે. હેમંત ખેરના આ પાત્રએ તો ભાઇની વ્યાખ્યા બદલી છે પણ અશ્વિન મહેતા એટલે દિવારના શશી કપૂર સાથે જેની સરખામણી થાય છે તેવો ભાઇ ચારો. તસવીરમાં જીવનસંગીની ઉર્વશી સાથે હેમંત ખેર.

હેપ્પી બર્થ ડે હેમંત ખેર... તમારી જર્ની શેર માર્કેટની તેજીની માફક આગળ વધે તેવી જ શુભેચ્છા.