Happy Birthday Farooque Shaikh:ઉષ્માભર્યા સ્મિત અને તેજભર્યા અભિનયનાં માલિક

તુમકો દેખા તો યે ખ્યાલ આયા – મૂળ જમીનદાર કુટુંબમાં જન્મેલા ફારુખ શેખના પિતા વકીલ હતા. ફારુખ શેખ વડોદરા નજીકનાં અમરોલીના હતા અને બાદમાં તેમનો પરિવાર મુંબઇ શિફ્ટ થયો. તેઓ તેમનાં પત્ની રૂપાને કૉલેજનાં દિવસોમાં મળ્યા હતા અને તેઓ બંન્ને થિએટરમાં એક્ટિવ હતા.

આજા રે ઓ મેરે દિલબર આજા દિલ કી પ્યાસ - એમ એસ સથ્યુની ફિલ્મ ગર્મ હવાથી ફારુખ શેખે હિન્દી ફિલ્મોમાં ડેબ્યુ કર્યું. માત્ર 750 રૂપિયા ફિઝ લઇને તેમણે અભિનય કર્યો હતો. નુરી તેમની તદ્દન કમર્શિયલ કહી શકાય તેવી પહેલી ફિલ્મ હતી અને તેઓ હંમેશા આ ફિલ્મમાં પોતાના અભિનય અંગે રમૂજ કરતા.

ઝિંદગી જભી તેરી બઝ્મ મેં લાતી હૈ હમેં, યે ઝમી ચાંદ સે બહેતર નઝર આતી હૈ હમેં – સત્યજીત રેએ ફારુખ શેખનો અભિનય જોયો અને તેમને શતરંજ કે ખિલાડી ફિલ્મમાં રોલ આપ્યો. અકીલનું એ પાત્ર આજે પણ લોકોને યાદ રહી ગયું છે. સિત્તેર અને એંશીના દાયકામાં સમાંતર ફિલ્મોને અલગ સ્તરે લઇ જનારા અભિનેતાઓમાં ફારુખ શેખનું નામ મોખરે હતું.  આ તસવીરમાં રેખા અને ફારુખ શેખ દેખાય છે તેમણે ઉમરાવજાન ઉપરાંત બીવી હો તો ઐસી ફિલ્મમાં સાથે કામ કર્યું હતું જે સલમાન ખાનની પણ પહેલી ફિલ્મ છે.

ફિર છીડી રાત બાત ફુલોં કી, આપકી બાત બાત ફૂલોં કી – તેમણે ચશ્મેબદ્દુર, કથા, ફાસલે, બાઝાર, કિસી સે ન કહેના જેવી ફિલ્મોમાં યાદગાર અભિનય આપ્યો છે. આ તસવીરમાં ચશ્મેબદ્દુરની મિસ ચમકો સાથે ફારુખ શેખ દેખાય છે.

દિલ ચીઝ ક્યા હૈ આપ મેરી જાન – રેખા સાથેની ફિલ્મ ઉમરાવજાનમાં તેમણે એક નવાબનો રોલ કર્યો હતો જે એક ગાનારીને પ્રેમ તો કરે છે પણ મોભો અને સમાજ તેમને એક થતાં રોકે છે.

યે તેરા ઘર યે મેરા ઘર – ચાર દાયકા સુધી અભિનયનાં અજવાળા પાથરનારા ફારુખ શેખે અનેક ફિલ્મો કરી. દીપ્તિ નવલે તેમને વિષે એક ઇન્ટરવ્યુમાં જણાવ્યું હતું કે અમે એટલી ફિલ્મો સાથે કરી કે એવું લાગતું હતું કે અમે જાણે બે કઝિન્સની માફક સાથે મોટા થઇ રહ્યા છીએ.

 દિખાઇ દિયે યું કિ બેખુદ કિયા – શબાના આઝમી સાથે ફારુખ શેખે અભિનય કર્યો નાટક તુમ્હારી અમૃતામાં અને આ નાટક ૨૦ વર્ષ સુધી લગાતાર પરફોર્મ થયું.                                           

કરોગે યાદ તો હર બાત યાદ આયેગી – બાઝાર ફિલ્મમાં ફારુખ શેખે એક એવા પ્રેમીનો અભિનય કર્યો હતો જે જેને પ્રેમ કરે છે તેને મેળવી નથી શકતા અને અંતે તે પ્રેયસીને બળજબરીથી બીજે લગ્ન થતાં તે આત્મહત્યા કરી લે છે. આ તસવીર ચશ્મેબદ્દુર ફિલ્મની છે.

તુમ સુંદર હો- ફારુક શેખે લગભગ ૫૦ ફિલ્મોમાં અભિનય કર્યો હતો અને તેઓ સ્ક્રિન પર આવે તેનો પ્રભાવ જ કંઇક અલગ હતો. આ તસવીર પણ ચશ્મેબદ્દુર ફિલ્મનાં એક દ્રશ્યની છે.

ચોરી ચોરી કોઇ આયે-લાહોર ફિલ્મમાં અભિનય કરવા બદલ તેમને ૨૦૧૯માં નેશનલ એવોર્ડ એનાયત થયો હતો. ફિલ્મનાં પ્રમોશન દરમિયાન સારિકા સાથે ફારુખ શેખ.

કહાં સે આયે બદરા,ઘુલતા જાયે કજરા-ફારુક શેખ માત્ર તેમના અભિનય માટે જ વખણાતા એમ નહોતું તેઓ એક બહુ દરિયાદિલ વ્યક્તિત્વ ધરાવતા હતા. તેમના સ્વભાવની ઉષ્મા અને પ્રામાણિકતાનાં કિસ્સાઓ લોકો પાસે આજે પણ ન ખૂટે એ સંખ્યામાં આજે પણ છે. મહેશ ભટ્ટે, ફારુક શેખનાં મૃત્યુ પછી ટ્વિટ કર્યુ હતુ કે તેમના સ્મિતની ઉષ્મા હંમેશા અમારા હ્રદયમાં રહેશે.

દેખ લો, આજ હમકો જી ભર કે-તેમની અદાકારી અને સ્મિતને એક કરતાં વધુ પેઢીઓ યાદ રાખશે. ફારુખ શેખે દિપ્તી નવલ સાથે લિસન અમાયા ફિલ્મમાં અભિનય કર્યો હતો જેનું દ્રશ્ય તસવીરમાં તમે જોઇ શકો છો.

સિને મેં જલન આંખોમેં તુફાન સા ક્યૂં હૈ-તેઓ નવાબી પણ દેખાતા અને સામાન્ય માણસનાં પાત્રમાં પણ ખીલી ઉઠતા. દિપ્તી નવલ અને ફારુક શેખ વચ્ચેની દોસ્તી છેક સુધી એટલી જ ધનિષ્ઠ રહી અને તેમણે બંન્ને એ સમાંતર સિનેમામાં ઉત્કૃષ્ટ અભિનયનાં અજવાળા પાથર્યા.

આપ કી યાદ આતી રહી- તેઓ વકીલ તરીકે તાલીમ પામ્યા હતા પણ છતાં ય તેમનો અભિનય સાથેનો લગાવ આ વકિલાતની તાલીમને ક્યાંય પાછળ મૂકી આવ્યો. ફિલ્મી પાર્ટીમાં ફારુક શેખની જૂની તસવીર.

પ્યાર મુઝસે જો કિયા તુમને-બહુમુખી પ્રતિભા સમા ફારુક શેખ 28 ડિસેમ્બર 2013ના રોજ અચાનક જ હ્રદય રોગનો હુમલો આવતા ગુજરી ગયા, ત્યારે તેઓ દુબઇમાં હતા.

કાલી ઘોડી દ્વાર ખડી-તેમણે કૉમેડી પાત્રો પણ ભજવ્યાં અને સિરીયસ પાત્રોને પણ ન્યાય આપ્યો. તેમણે ટેલિવિઝનમાં જી મંત્રીજી જેવી સિરિયલ્સમાં પણ આબાદ અભિનય કર્યો હતો.

તુમકો દેખા તો યે ખયાલ આયા ઝિંદગી ધૂપ તુમ ઘના સાયા- We miss you Farooqsaab!!