બિગ બૉસના ઘરમાં મુંબઈપોલીસની એન્ટ્રી?

Published: 20th October, 2011 20:07 IST

‘બિગ બૉસ ૫’માં મુંબઈ પોલીસ એન્ટ્રી લે તો નવાઈ ન પામતા, કારણ કે તાજેતરમાં જ બિગ બૉસ હાઉસમાં એન્ટ્રી લેનારા અમર ઉપાધ્યાયને ર્કોટના સમન્સ આપવા પોલીસે બિગ બૉસ હાઉસમાં એન્ટ્રી લેવી જ રહી. ‘ક્યોંકિ... સાસ ભી કભી બહૂ થી’ સિરિયલમાં મિહિર વીરાણી તરીકે જાણીતા આ અભિનેતાએ મલાડ (વેસ્ટ)માં મિહિર વીરાણી મલ્ટિટ્રેડ પ્રાઇવેટ લિમિટેડ નામની એક કંપની ખોલી હતી, જેમાં ફરિયાદી હરિનારાયણ સોનીએ રોકાણ કર્યું હતું.

 

એમાં ૭ લાખ રૂપિયા પ્રૉફિટ થતાં મિહિર વીરાણી મલ્ટિટ્રેડ પ્રાઇવેટ લિમિટેડ કંપનીએ ચેક આપ્યો હતો, જે બાઉન્સ થતાં તેમણે ઉદેપુર ર્કોટમાં ફરિયાદ કરી હતી. ર્કોટે અમર ઉપાધ્યાયને સમન્સ બજાવ્યા હતા, પરંતુ તે ર્કોટમાં હાજર થયો નહોતો. તાજેતરમાં ર્કોટે ફરી સમન્સ બજાવ્યા છે, પરંતુ અમર ઉપાધ્યાય અત્યારે ‘બિગ બૉસ ૫’માં ભાગ લઈ રહ્યો હોવાથી તેને આ સમન્સ આપવા મુંબઈ પોલીસ બિગ બૉસ હાઉસમાં એન્ટ્રી મારે તો નવાઈ નહીં. જોકે અમર ઉપાધ્યાયના પ્રવક્તાએ આ આરોપોને ખોટા ગણાવ્યા છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK