ધૂમ્રપાન માટે વિવેકે કરી વિશેષ ડિમાન્ડ

Published: 29th September, 2011 17:51 IST

વિવેક ઑબેરૉય તેના ધૂમ્રપાન સામેના કાર્યક્રમને ખૂબ જ ગંભીરતાથી લઈ રહ્યો હોય એવું લાગી રહ્યું છે. જ્યારે તેને આગામી ફિલ્મ ‘ઝિલા ગાઝિયાબાદ’માં સિગારેટ પીવાનો એક સીન કરવાનો હતો ત્યારે તેણે શરૂઆતમાં તો ચોખ્ખી ના પાડી દીધી હતી.

 

 

જોકે ત્યાર પછી તે માન્યો હતો, પણ એક શરત મૂકી હતી કે પ્રોડ્યુસર તેની સાથે એક ‘ઍન્ટિ-સ્મોકિંગ’ વિડિયો ઉમેરવાની વાત માને. તેની આ શરત પૂરી થતાં તેણે એ સીન કર્યો હતો.

 

‘ઝિલા ગાઝિયાબાદ’માં સિગારેટ પીવાનો સીન કરવા માટે ફિલ્મની શરૂઆતમાં ઍન્ટિ-સ્મોકિંગ વિડિયો ઉમેરવાનું કહ્યું


વિવેક ઘણા સમયથી ધૂમ્રપાનની લત યુવાનોમાં ન લાગે એ માટેના કાર્ય સાથે જોડાયેલો છે. જ્યારે તેને ખબર પડી કે તેનો ગૅન્ગસ્ટરનો રોલ હોવાને કારણે તેને આ પ્રકારના સીન કરવા જ પડશે ત્યારે તે દ્વિધામાં આવી ગયો હતો. શરૂઆતમાં તો ના પાડ્યા પછી પ્રોડ્યુસરોએ તેને આ સીનના મહkવ વિશે વાત કરી હતી. આ કારણે જ વિવેકે પોતાના વિડિયોની વાત તેમને કરી હતી. ફિલ્મ સાથે સંકળાયેલી એક વ્યક્તિના કહેવા મુજબ વિવેકે પ્રોડ્યુસરોને કહ્યું હતું કે તેને એ વાતનો પૂરેપૂરો ખ્યાલ છે કે એક વખત સ્મોકિંગનું વ્યસન લાગી જાય પછી એ છોડવામાં ઘણી તકલીફ થાય છે. આ કારણે જ યુવાનો આ પ્રકારના કાર્યમાં ન જોડાય એ માટે તે સીન તો કરશે, પણ આ વિડિયોને ફિલ્મની શરૂઆત પહેલાં ઉમેરવામાં આવશે.

સ્પેશ્યલ ટ્રીટમેન્ટ

વિવેકે આ સીન માટે અમેરિકાથી ઇલેક્ટ્રૉનિક સિગારેટ મગાવી છે. આ સિગારેટમાં નિકોટીનનું પ્રમાણ ખૂબ જ ઓછું હોય છે. હૉલીવુડમાં આ પ્રકારની સિગારેટો સ્ટાર કલાકારોમાં કોઈ ધૂમ્રપાનના સીન માટે ફેવરિટ છે. તેમને પણ જ્યારે આ રીતે રોલની જરૂરિયાત સમજીને સ્મોકિંગ કરવાનું હોય છે ત્યારે તેઓ આ વિકલ્પ પસંદ કરતા હોય છે. જોકે ભારતીય ફિલ્મોમાં આ સિગારેટનો પહેલી વખત ઉપયોગ થશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK