વિકી કૌશલે કર્યું એક કરોડનું દાન
વિકી કૌશલ
કોરોના વાઇરસને પગલે વિકી કૌશલે એક કરોડ રૂપિયાનું દાન કર્યું છે. અક્ષયકુમાર, દિલજિત દોસાંજ, કાર્તિક આર્યન, અનુષ્કા શર્મા અને ભૂષણ કુમાર જેવી ઘણી સેલિબ્રિટીઝ આ કપરા સમયમાં દાન કરવા માટે આગળ આવી છે. આ માટે વિકી કૌશલે પીએમ-કૅર્સ ફન્ડમાં અને મહારાષ્ટ્ર ચીફ મિનિસ્ટર્સ ફન્ડમાં એક કરોડ રૂપિયાનું દાન કર્યું છે. આ વિશે વિકીએ એક સ્ટેટમેન્ટ જાહેર કર્યું છે. આ સ્ટેટમેન્ટમાં વિકીએ કહ્યું હતું કે ‘હું નસીબદાર છું કે આ સમયમાં પણ હું મારા ઘરમાં એકદમ કમ્ફર્ટથી બેસી શકું છું જ્યારે એવી ઘણી વ્યક્તિ છે જેમના માટે આ શક્ય નથી. આ ક્રાઇસિસના સમયમાં હું પીએમ-કૅર્સ ફન્ડ અને મહારાષ્ટ્ર ચીફ મિનસ્ટર્સ રિલીફ ફન્ડમાં એક કરોડ રૂપિયાનું દાન કરું છું. આપણે બધા આમાં સાથે છીએ અને એકસાથે આ લડાઈ જીતીશું. આપણા હેલ્ધી અને વધુ સારા ભવિષ્ય માટે આપણાથી શક્ય હોય એટલી મદદ કરીએ.’
ઇન્ડિયાના પહેલા ઇન્ડિપેન્ડન્ટ યુટ્યુબર ભુવન બામે કોરોના વાઇરસની સામે લડવા માટે સરકારને દસ લાખ રૂપિયાનું દાન કર્યું છે. તેણે પીએમ-કૅર્સ ફન્ડ, ચીફ મિનિસ્ટર્સ ફન્ડ અને ફીડિંગ ઇન્ડિયા ઇનિશ્યેટિવમાં ટોટલ દસ લાખનું દાન કર્યું છે. આ રકમ તેની માર્ચ-૨૦૨૦ની ટોટલ કમાણીની છે એટલે કે તેણે સંપૂણ મહિનાની રકમ દાન કરી છે.
