હીરોપંતી 2 અને બાગી 4ને લઈને તૈયાર ટાઇગર શ્રોફ અને સાજિદ નડિયાદવાલા

Updated: 29th October, 2020 14:39 IST | Harsh Desai | Mumbai

તેની પહેલી ફિલ્મની સીક્વલનું શૂટિંગ તે ડિસેમ્બરથી શરૂ કરશે: બન્ને ફિલ્મોનું શૂટિંગ ટોટલ ૨૫ દેશોમાં કરવામાં આવશે

ટાઇગર શ્રોફ અને સાજિદ નડિયાદવાલા
ટાઇગર શ્રોફ અને સાજિદ નડિયાદવાલા

ટાઇગર શ્રોફ અને સાજિદ નડિયાદવાલા હવે તેમની બે ફિલ્મને લઈને શૂટિંગ કરવા તૈયાર છે. લૉકડાઉન બાદ ટાઇગર સૌથી પહેલાં તેની પહેલી ફિલ્મ ‘હીરોપંતી’ની સીક્વલ ‘હીરોપંતી 2’ની શરૂઆત કરશે. ત્યાર બાદ તે ‘બાગી 4’નું પણ શૂટિંગ કરશે. આ ફિલ્મને પહેલાંની ત્રણ ફિલ્મ કરતાં પણ વધુ ગ્રૅન્ડ લેવલ પર બનાવવામાં આવશે. આ બન્ને ફિલ્મને લગભગ 25 દેશમાં શૂટ કરવામાં આવશે. બન્ને ફિલ્મ માટે અંદાજે બાર-બાર દેશને પસંદ કરવામાં આવ્યા છે. ટાઇગરે હાલમાં જ લૉકડાઉનમાં એના ગીતનું શૂટિંગ કર્યું હતું અને હવે તે ફિલ્મનું શૂટિંગ કરવા માટે ખૂબ જ ઉત્સાહિત છે. આ શૂટિંગ માટેની તૈયારી થઈ ગઈ છે અને તે ડિસેમ્બરથી ‘હીરોપંતી 2’નું શૂટિંગ
શરૂ કરશે. સાજિદ નડિયાદવાલા તેની ‘જુડવા’, ‘હાઉસફુલ’, ‘કિક’, ‘હીરોપંતી’ અને ‘બાગી’ ફ્રૅન્ચાઇઝીને
સતત આગળ વધારવા માગે છે. ‘જુડવા’ અને ‘હાઉસફુલ’ કૉમેડી ફ્રૅન્ચાઇઝી છે તો ‘કિક’ એક મસાલા ફિલ્મ છે. ‘હીરોપંતી’ અને ‘બાગી’ ઍક્શન ફ્રૅન્ચાઇઝી છે અને એ માટે ઍક્શન બેસ્ટ ઑપ્શન છે. આથી સાજિદ નડિયાદવાલા તેની ઍક્શન ફ્રૅન્ચાઇઝીને લોકો સમક્ષ લાવવા માટે ખૂબ જ ઉત્સુક છે.

First Published: 29th October, 2020 14:32 IST
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK