કમલ હાસનની વેલ્ફેર ક્લબના સભ્યો તામિલનાડુમાં ૨૫ તળાવ સાફ કરશે

Published: Nov 08, 2014, 04:18 IST

ચેન્નઈમાં ગઈ કાલે માધમબક્કમ તળાવ સાફ કર્યા બાદ અભિનેતા-ફિલ્મસર્જક કમલ હાસનની વેલ્ફેર ક્લબના સ્વયંસેવકોએ જાહેરાત કરી હતી કે તેઓ તામિલનાડુમાં ૨૫ તળાવ દત્તક લેશે અને એની વૈજ્ઞાનિક ધોરણે સાતત્યસભર સફાઈ કરશે.

 

ગઈ કાલે સાઠ વર્ષના થયેલા કમલ હાસને માધમબક્કમ તળાવને સાફ કરવાની ઝુંબેશનો પ્રારંભ કર્યો હતો. તેની વેલ્ફેર ક્લબે એક નિવેદનમાં જણાવ્યું હતું કે ‘દેશનાં જળાશયોની સફાઈ બહુ જ જરૂરી છે અને આ કામ યુદ્ધના ધોરણે થવું જોઈએ. આપણાં બધાં તળાવો ગટર અને ગંદકીનો ગંજ બની ગયાં છે. એમાં પરિવર્તન થવું જોઈએ અને આ જળાશયોના સંવર્ધનનું મહત્વ સમાજે સમજવું જોઈએ.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK