ટી-સિરીઝના કર્મચારીનો કોરોના રિપૉર્ટ પૉઝિટિવ આવતાં ઑફિસ સીલ

Updated: 13th May, 2020 18:48 IST | Gujarati Mid-day Correspondent | Mumbai

ઑફિસનો કૅરટેકર પૉઝિટિવ આવતાં તે હાલમાં સારવાર હેઠળ છે

પ્રતિકાત્મક તસવીર
પ્રતિકાત્મક તસવીર

ભૂષણ કુમારની ટી-સિરીઝનો એક કર્મચારી કોરોના પૉઝિટિવ મળી આવતાં ઑફિસને સીલ કરવામાં આવી છે. ઑફિસનો કૅરટેકર પૉઝિટિવ આવતાં તે હાલમાં સારવાર હેઠળ છે. આ વિશે ભૂષણ કુમારે સ્ટેટમેન્ટ જાહેર કરતાં કહ્યું હતું કે ‘અમને હાલમાં જ ખબર પડી છે કે અમારી ટી-સિરીઝ ઑફિસનો એક કર્મચારી કોરોના પૉઝિટિવ છે. ઑફિસમાં જ રહેતા કેટલાક સિક્યૉરિટી ગાર્ડ અને હેલ્પર્સ લૉકડાઉનને કારણે તેમના ઘરે નથી જઈ શક્યા. ટી-સિરીઝમાં કામ કરતી દરેક વ્યક્તિ અમારા માટે ફૅમિલી જેવી છે અને આ પરિસ્થિતિમાં અમે તમામ સાવચેતી રાખી રહ્યા છીએ. આ વ્યક્તિને સારી રીતે ટ્રીટમેન્ટ આપવામાં આવી રહી છે અને સરકાર દ્વારા સૂચવેલાં અમે તમામ પગલાં લઈ રહ્યા છીએ અને બિલ્ડિંગને સૅનિટાઇઝ કરવામાં આવશે. લૉકડાઉનને કારણે જે પણ નિયમો જાહેર કરવામાં આવ્યા છે એનું અમે પાલન કરી રહ્યા છીએ અને ઘરેથી જ કામ કરીએ છીએ. અમે હંમેશાં એકબીજાની કાળજી રાખી છે અને આ સમયે પણ ટી-સિરીઝની દરેક વ્યક્તિ એકમેકની કાળજી લેશે.’

First Published: 13th May, 2020 18:41 IST
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK