જર્સી માટે ક્રિકેટના પાઠ લઈ રહ્યો છે શાહિદ કપૂર

જર્સી માટે ક્રિકેટના પાઠ લઈ રહ્યો છે શાહિદ કપૂર

શાહિદ કપૂર

શાહિદ કપૂર તેની ‘જર્સી’ માટે ક્રિકેટની સખત ટ્રેઇનિંગ લઈ રહ્યો છે. આ ફિલ્મ તેલુગુની હિન્દી રીમેક છે. ફિલ્મમાં તે એક ક્રિકેટરના પાત્રમાં જોવા મળશે. આ મહિનામાં જ ચંડીગઢમાં ફિલ્મનું શૂટિંગ શરૂ કરવામાં આવશે. શાહિદની આ ટ્રેઇનિંગનો ફોટો પણ વાઇરલ થયો છે. એમાં તેના હાથમાં બૅટ છે. આ ફિલ્મ ૨૦૨૦ની ૨૮ ઑગસ્ટે રિલીઝ થવાની છે. આ ફિલ્મ વિશે શાહિદ કપૂરે કહ્યું હતું કે ‘મેં થોડો સમય લગાવ્યો એ વિચારવામાં કે ‘કબીર સિંહ’ બાદ હવે શું કરવું. જોકે મેં જ્યારે ‘જર્સી’ જોઈ ત્યારે જ મેં નક્કી કરી લીધું હતું કે મારે આ ફિલ્મ કરવી છે. આ એક સુંદર, પ્રેરણાદાયી અને વ્યક્તિની પર્સનલ જર્નીની સ્ટોરી દેખાડે છે. એની સાથે હું ઊંડાણપૂર્વક જોડાઈ ગયો છું.’