પોતાનો પક્ષ લેવા માટે ગુસ્સો હોવો જરૂરી છે: સલમાન

Published: 3rd December, 2020 15:47 IST | Gujarati Mid-day Correspondent | Mumbai

સલમાન ખાનનું કહેવું છે કે તે ફ્રેન્ડ્સ બનાવવામાં સમય લે છે

સલમાન ખાન
સલમાન ખાન

સલમાન ખાનનું કહેવું છે કે તે ફ્રેન્ડ્સ બનાવવામાં સમય લે છે. સાથે જ તેનું માનવું છે કે જો પોતાના માટે ઊભા રહેવાનું હોય તો ગુસ્સો કરવો યોગ્ય છે. બૉલીવુડમાં સલમાન તેની ફ્રેન્ડશિપને લઈને ખાસ્સો જાણીતો છે. તે ફ્રેન્ડ્સને મદદ કરવામાં પાછી પાની નથી કરતો. ફ્રેન્ડશિપને લઈને સલમાન ખાને કહ્યું હતું કે ‘હું ફ્રેન્ડ્સ બનાવવામાં સમય લઉં છું. એથી મારી પાસે હાલમાં જે પણ ફ્રેન્ડ્સ છે એ ૨૦-૩૦ વર્ષ જૂના છે. સાથે ફ્રેન્ડ્સ નવા પણ આવતા જાય છે. જોકે તેઓ મારા જે ૪ ક્લોઝ ફ્રેન્ડ્સ છે એટલા નજીકના નથી. તમે જ્યારે ફ્રેન્ડ્સ બનાવો છો તો શરૂઆતમાં તો બધા સારી રીતે જ રહે છે. બાદમાં તમને એકબીજાની ભૂલો દેખાવા માંડે છે. જો તમને તેમની ભૂલો સ્વીકાર્ય હોય તો એમાં કંઈ ખોટું નથી, કારણ કે તેમની અંદર રહેલા સારા ગુણો એ ભૂલો કરતાં હજારગણા અગત્યના છે. તમને તેમની કમજોરી પણ માન્ય હોય તો સારી વાત છે, પરંતુ જો તમને તેમની ખામી નથી પસંદ અને કોઈ ફ્રેન્ડ્સ એટલા સ્ટ્રૉન્ગ નથી તો પછી એવી રિલેશનશિપની કોઈ જરૂર નથી.’

પોતાના ગુસ્સા વિશે સલમાન ખાને કહ્યું હતું કે ‘મને ગુસ્સો આવે છે, જે જરૂરી પણ છે. જો તમે પોતાની જાતનો પક્ષ લેવા માટે ગુસ્સો કરતા હો તો એ ખરાબ બાબત નથી. જોકે ગુસ્સો કંઈ મારો સ્વભાવ નથી. અમે નાની-નાની વાતોમાં નારાજ થઈએ છીએ જેવી કે કોઈ લેટ આવે અથવા તો શૂટિંગ સમયસર શરૂ ન થાય. હું લોકોને કહું છું કે તમારી આસપાસ જુઓ કે આપણને ઘણીબધી સવલતો મળી છે, જેનો આપણે આભાર માનવો જોઈએ.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK