સાહેબ, બીવી ઔર ગૅન્ગસ્ટર - મજબૂત પટકથા, ચોટદાર સંવાદો

Published: 1st October, 2011 21:13 IST

ડિરેક્ટર તિગ્માંશુ ધુલિયાની રણદીપ હૂડા, જિમી શેરગિલ અને માહી ગિલને ચમકાવતી ‘સાહેબ, બીવી ઔર ગૅન્ગસ્ટર’માં કોઈ સુપરસ્ટાર ન હોવાને કારણે દર્શક કોઈ ખાસ અપેક્ષા રાખ્યા વગર ફિલ્મ જોવા માટે થિયેટરનાં પગથિયાં ચડે છે અને પછી તેને જૅકપૉટ લાગ્યા જેવી ખુશી થાય છે. મજબૂત પટકથા અને એવું જ સક્ષમ ડિરેક્શન, ચોટદાર સંવાદો અને ઉત્તમ કક્ષાનો અભિનય ફિલ્મના રિયલ કલાકારો છે.

 


Rating :

 

ફિલ્મમાં સાહેબ (જિમી શેરગિલ) નામ અને પૈસો બન્ને ગુમાવી ચૂકેલી વ્યક્તિ છે અને વૈભવી જીવનશૈલી જાળવી રાખવા માટે તેણે ક્રિમિનલ પ્રવૃત્તિ કરવી પડતી હોય છે. સંજોગોના મારને કારણે તેનું સ્વમાન ભાંગી પડ્યું હોય છે. આ સંજોગોમાં તેની મિસ્ટ્રેસ મહુઆ અને વિશ્વાસપાત્ર નોકર સમયાંતરે તેનો ખોટો ઈગો સંતોષતાં હોય છે અને આ રીતે પોતાનું કામ કઢાવી લેતાં હોય છે.


બીવીના રોલમાં છે માહી ગિલ. તે માનસિક રીતે થોડી અસંતુલિત હોય છે અને તેને પતિના આકર્ષણનું કેન્દ્ર બનવું હોય છે, પણ તેનો પતિ મહુઆના આકર્ષણમાં બંધાયેલો હોય છે. આ સંજોગોમાં એન્ટ્રી થાય છે બબલુ (રણદીપ હૂડા)ની. તે એક ખાસ હેતુથી બીવીના જીવનમાં આવે છે, પણ સંજોગોને કારણે તે બીવીના પ્રેમમાં પડી જતાં બધો પ્લાન ફ્લૉપ થઈ જાય છે અને નવી સમસ્યાઓની શરૂઆત થઈ જાય છે. બીવીને માત્ર શારીરિક સંબંધોનું આકર્ષણ હોય છે જ્યારે બબલુને કંઈક વિશેષ જોઈએ છે.


ફિલ્મના સંવાદો અત્યંત જોરદાર છે અને એ માટે એના લેખકની પીઠ થાબડવી જ પડે. ફિલ્મમાં રણદીપ હૂડા અને જિમી શેરગિલે સારો અભિનય કર્યો છે. રણદીપને હજી આવા મજબૂત રોલ મળવા જોઈએ. ફિલ્મમાં માહી હૉટ લાગે છે, પણ અભિનયને મામલે ઍવરેજ સાબિત થઈ છે. જોકે આમ છતાં ‘સાહેબ, બીવી ઔર ગૅન્ગસ્ટર’ એક સારી ફિલ્મ બની શકી છે.


- શુભા શેટ્ટી-સહા

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK