રવીનાને પણ Coronavirusનો ભય, ટ્રેનમાં કરવા લાગી આ કામ, વીડિયો વાયરલ
રવીના ટંડન
બોલીવુડ અભિનેત્રી રવીના ટંડન ઇન્ડસ્ટ્રીમાં એક્ટિંગ સિવાય પોતાના બિન્દાસ અંદાજ માટે પણ જાણીતી છે. તે દરેક નાના-મોટા મુદ્દે પોતાનો મત વ્યક્ત કરતી જોવા મળે છે રવીના ટંડન સોશિયલ મીડિયા પર પણ ખૂબ જ એક્ટિવ રહે છે. આ દરમિયાન રવીના ટંડનનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં તે ટ્રેનની પોતાની સીટ સાફ કરતી પણ જોવા મળે છે.
ADVERTISEMENT
રવીના ટંડનનો જે વીડિયો વાયરલ થઈ રહ્યો છે તે વીડિયોમાં તેણે માસ્ક પહેર્યું થે અને ટ્રેનની બર્થ સાફ કરતી દેખાય છે. હકીકતે, હાલ આખા દેશમાં કોરોના વાયરસને કારણે દરેક વ્યક્તિ ભયના માહોલમાં જીવે છે. એવામાં દરેક પોતાની સુરક્ષાનું સંપૂર્ણ ધ્યાન રાખે છે. આ ક્રમમાં રવીના ટંડને પણ પોતાના પ્રવાસ દરમિયાન પોતાની સીટ સાફ કરી. ઉલ્લેખનીય છે કે રવીનાએ એક વીડિયો પોતાના ઇન્સ્ટાગ્રામ પર શૅર કર્યો છે.
અભિનેત્રીએ વીડિયો શૅર કરતાં કૅપ્શનમાં લખ્યું, "ટ્રેન ચાલે તે પહેલા કેબિનને ભીનાં વાઇપ્સ અને સેનિટાઇઝરથી સાફ કરી રહી છું, જેમાં અમે કમ્ફર્ટેબલ થઈ શકીએ. સૉરી કરતાં સુરક્ષિત રહેવું સારું. ખૂબ જ જરૂરી હોય તો જ પ્રવાસ કરવો અને મહેરબાની કરી પોતાનું અને પોતાની આસપાસના લોકોનું સાવચેતી અને સુરક્ષિતતા પર ધ્યાન રાખવું." રવીનાનો આ વીડિયો સોશિયલ મીડિયા પર ખૂબ જ પસંદ કરવામાં આવી રહ્યો છે.
View this post on InstagramLet’s get together and fight this #WarAgainstVirus. @cmomaharashtra_ @adityathackeray
રવીના જ નહીં બોલીવુડના અનેક મોટા સિતારાઓ સોશિયલ મીડિયા પર ચાહકોને પોતાને સુરક્ષિત રાખવાની રીત જણાવી રહ્યા છે. તો શાહરુખ ખાને પણ એક વીડિયો શૅર કરી ચાહકો સામે પોતાની વાત મૂકી છે. શાહરુખ ખાને વીડિયોમાં કહ્યું કે, "નમસ્કાર, હું બધાંને અપીલ કરું છું કે તે સાર્વજનિક સ્થળોથી દૂર રહે અને જો જરૂરી ન હોય તો ટ્રેન અને બસમાં પ્રવાસ કરવાનું ટાળે. આગામી 10થી 15 દિવસ ખૂબ જ મુશ્કેલીભર્યા છે. આ વાયરસ સામે લડવા માટે જનતા અને સરકારે સાથે મળીને કામ કરવાની જરૂર છે. તો હું ફરી અપીલ કરું છું કે પૅનિક ન થાઓ અને કોઇપણ પ્રકારના દુષ્પ્રચારથી સતર્ક રહો અને સરકાર દ્વારા આપવામાં આવેલી ગાઇડલાઇનને ફૉલો કરો."