આમિર ખાનના પગલે રણવીર સિંહ

રણવીર સિંહ તેની બે રોમૅન્ટિક ફિલ્મો બાદ હવે ત્રીજી ફિલ્મ એક સિરિયસ રોલ સાથે કરશે અને એ માટે તેણે પોતાની રીતે બધા પ્રયાસો કરવાનું શરૂ કરી દીધું છે.

સોનાક્ષી સિંહા સાથેની ‘ઉડાન’ના ડિરેક્ટર વિક્રમાદિત્ય મોટવાણેની ‘લૂટેરા’માં તેણે શૂટિંગ શરૂ થાય એ પહેલાં કો-સ્ટાર્સ સાથે સ્ક્રિપ્ટ રીડિંગ સેશન રાખવાનું નક્કી કર્યું હતું. પોતાના ડાયલૉગ્સ કઈ રીતે બોલવાના છે અને એમાં તેના તરફથી કેટલા ફેરફારો આવી શકે છે એ માટે વસોર્વામાં તેણે બે દિવસ સુધી મહેનત કરી હતી. આવું જ કાંઈક આમિર ખાને તેની રીમા કાગતીના દિગ્દર્શન હેઠળની કરીના કપૂર અને રાની મુખરજી સાથેની ‘તલાશ’નું શૂટિંગ શરૂ કરતાં પહેલાં કર્યું હતું.