પહેલાં ટીવી પછી ફિલ્મ અને હવે ગાયકી:ટીવી-ફિલ્મ સ્ટાર મૌની રૉય માઇક પર

Published: Feb 06, 2020, 13:26 IST | Rashmin Shah | Mumbai

ઍમેઝૉન પ્રાઇમ મ્યુઝિકના કારવાં લાઉન્જના પાંચમા ગીતમાં ઍક્ટ્રેસે નક્શ અઝિઝ સાથે ગાયું ગીત

‘નાગિન’ જેવી સુપરહીટ ટીવી-સિરિયલ અને ‘ગોલ્ડ’ તથા હમણાં રીલિઝ થયેલી ‘મેડ ઇન ચાઇના’ જેવી અનેક હીટ ફિલ્મોની લીડસ્ટાર મૌની રૉય બહુ સારી સિંગર છે એવું કોઈ કહે તો તમને વાત ગળે ઊતરે ખરી?

જો તમારો જવાબ ના હોય તો તમે ખોટા છો. મૌની બહુ સારી સિંગર છે અને તેની સિન્ગિંગ કરીઅરનું પહેલું સૉન્ગ પણ તેણે સીધું પ્રોફેશનલ પ્લૅટફૉર્મ પર ગાયું છે. ઍમેઝૉન પ્રાઇમ મ્યુઝિક અને સારેગામાના કમ્બાઇન્ડ વેન્ચર એવા ‘કારવાં લાઉન્જ’ના પાંચમા ગીતમાં મૌનીએ પોતાનો અવાજ આપ્યો છે. મૌનીની સાથે બૉલીવુડનો ફેમસ સિંગર અને અગાઉ ‘સુલતાન’ના ટાઇટલ સૉન્ગથી વાહવાહી મેળવનારો નક્શ અઝિઝ પણ જોડાયો છે. મૌની અને નક્શે ભીગી ભીગી રાતોં મેં... ગીત ગાયું છે. આ જ ગીતમાં બન્ને સ્ક્રીન પર પણ દેખાવાનાં છે. મૌનીએ કહ્યું હતું, ‘નાની હતી ત્યારે હું અને મારી કઝિન આ સૉન્ગ પર ડાન્સ કરતાં એ મને હજી પણ યાદ છે.’

આ સૉન્ગ પછી ટીવી અને ફિલ્મસ્ટાર મૌનીને સિંગર મૌની રૉય સાથે ડેટ્સની ફાઇટ શરૂ થાય તો જરા પણ નવાઈ નહીં લાગે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK