ઇન્દિરા જયસિંહ સાથે કંગના રનોટનો પંગા

Published: Jan 24, 2020, 13:32 IST | Mumbai

સિનિયર વકીલ ઇન્દિરા જયસિંહે તાજેતરમાં જ નિર્ભયાની માતાને તેના હત્યારાઓને માફી આપવામાં આવે એવી અપીલ કરી હતી.

કંગના રનોટ અને રિચા ચઢ્ઢા ગઈ કાલે જુહુમાં ‘પંગા’ના પ્રમોશન માટે હાજર રહી હતી. તસવીર : સમીર માર્કંડે
કંગના રનોટ અને રિચા ચઢ્ઢા ગઈ કાલે જુહુમાં ‘પંગા’ના પ્રમોશન માટે હાજર રહી હતી. તસવીર : સમીર માર્કંડે

સિનિયર વકીલ ઇન્દિરા જયસિંહે તાજેતરમાં જ નિર્ભયાની માતાને તેના હત્યારાઓને માફી આપવામાં આવે એવી અપીલ કરી હતી. એને લઈને કંગના રનોટે એ વકીલને એ આરોપીઓ સાથે જેલમાં બંધ કરવાની વાત કહી છે. કંગના તેની ‘પંગા’ના પ્રમોશનમાં હાજર હતી. એ દરમ્યાન ઇન્દિરા જયસિંહ પર પ્રહાર કરતાં કંગના રનોટે કહ્યું હતું કે ‘એ મહિલા (ઇન્દિરા જયસિંહ)ને એ આરોપીઓ સાથે ચાર દિવસ માટે જેલમાં બંધ કરવી જોઈએ. આવી મહિલાઓ જ રાક્ષસો અને હત્યારાઓને જન્મ આપે છે. પહેલી વાત તો એ જણાવી દઉં કે જે લોકો બળાત્કાર જેવા ઘૃણાસ્પદ અપરાધ કરે છે તે લોકો માઇનર્સ ન કહેવાય. આવા લોકોને તો ફાંસી આપવી જોઈએ. નિર્ભયાના પેરન્ટ્સ ઘણાં વર્ષોથી લાઇફના ખૂબ જ કપરા તબક્કામાંથી પસાર થઈ રહ્યા છે. તેઓ હાઈ કોર્ટ અને સુપ્રીમ કોર્ટ વચ્ચે સતત ધક્કા ખાઈ રહ્યા છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK