AXNની બૉલીવુડ ટ્રેઇલ્સમાં જીપમાં સવાર થઈને ફરતી ઝરીન ખાન
ઝરીન ખાન
સુપરહિટ ફિલ્મનું શૂટિંગ જ્યાં થયું હોય એ સ્પેશ્યલ લોકેશન પર જવાનું, ત્યાં જઈને એ જ ફિલ્મના ડિરેક્ટર સાથે એ સ્થળ વિશે વાતો કરવાની અને શૂટિંગ દરમ્યાનના નૉસ્ટાલ્જિક પિરિયડને પણ યાદ કરવાનો. આ છે એએક્સએનની ‘બૉલીવુડ ટ્રેઇલ્સ’નો કન્સેપ્ટ. ૨પ જાન્યુઆરીથી શરૂ થયેલા આ શોની હોસ્ટ ઝરીન ખાન છે અને ઝરીન ખાનનો આ ડેબ્યુ શો છે. આ અગાઉ ઝરીનને અનેક શોની ઑફર થઈ હતી, પણ ઝરીને એ સ્વીકારી નહોતી. આ શો સ્વીકારવાનું ખાસ કારણ એ જ કે ઝરીન ફરવાની જબરદસ્ત શોખીન છે.
‘બૉલીવુડ ટ્રેઇલ્સ’માં રાજકુમાર હીરાણી, ઇમ્તિયાઝ અલી, રોહિત શેટ્ટી જેવા દિગ્ગજ ડિરેક્ટર ભાગ લેવાના છે તો ‘થ્રી ઇડિયટ્સ’, ‘જબ વી મેટ’, ‘ચેન્નઈ એક્સપ્રેસ’ જેવી ફિલ્મોના મહત્ત્વના લોકેશન પર ઝરીને જવાનું રહેશે. ઝરીન ખાનની એક ખાસિયત છે કે તે વેકેશન માટે બહાનાં શોધતી રહે છે. ઝરીન પોતે કહે છે, ‘હું વર્ષ દરમ્યાન દુબઈ, મનાલી અને ગોવા એક વાર અચૂક જાઉં.’
