કચ્છની મહિલાઓના સશક્તીકરણની વાત કરવામાં આવી છે નૅશનલ અવૉર્ડ વિનર ફિલ્મ હેલ્લારોમાં

અમદાવાદ | Aug 25, 2019, 12:57 IST

રમેશ પારેખની કવિતા પરથી આ ફિલ્મનું નામ રાખવામાં આવ્યું છે જેમાં ૧૨ મહિલાઓ અને એક બાળકલાકારે કામ કર્યું છે

કચ્છની મહિલાઓના સશક્તીકરણની વાત કરવામાં આવી છે નૅશનલ અવૉર્ડ વિનર ફિલ્મ હેલ્લારોમાં
‘હેલ્લારો’

ગુજરાતી ફિલ્મ ‘હેલ્લારો’ને બેસ્ટ ફીચર ફિલ્મનો નૅશનલ અવૉર્ડ જાહેર થતાં ફિલ્મની ટીમમાં અનેરી ખુશી છવાઈ ગઈ છે. આ ફિલ્મના રાઇટર અને ડિરેક્ટર અભિષેક શાહ છે. ‘હેલ્લારો’ના ડાયલૉગ સૌમ્ય જોશીએ લખ્યા છે. ફિલ્મની પૂરી ટીમ અમદાવાદના રેડિયો સિટી 91.1 FMના સ્ટુડિયોમાં પહોંચી હતી. અવૉર્ડની જાહેરાત જે દિવસે થવાની હતી એ વખતે કેવી સ્થિતિ હતી એ વિશે ફિલ્મના ડિરેક્ટર અભિષેક શાહે કહ્યું હતું કે ‘અમને ટ્‍‍વિટરના માધ્યમથી જાણ થઈ હતી કે અવૉર્ડની જાહેરાત થવાની છે. એને જોતાં યુટ્યુબ પર જે લાઇવ કાઉન્ટડાઉન થતું હોય છે એ માટે અમે બધા બેસી ગયા હતા.

આ પણ વાંચો : તારક મેહતા કા ઉલ્ટા ચશ્મામાં સોનુ બની પલક સિદ્ધવાણી

આ વાતની જાણ થતાં અમારી આસપાસના લોકો પણ અમારી ઑફિસે આવી ગયા હતા. એ વખતે પહેલું જ અનાઉન્સમેન્ટ એ થયું હતું કે સ્પેશ્યલ જ્યુરી અવૉર્ડ એક ગ્રુપને આપવામાં આવે છે. ત્યાર બાદ ગુજરાતી ફિલ્મ ‘હેલ્લારો’ના નામની ઘોષણા કરવામાં આવી હતી. એ અમારા માટે ગ્રેટ મોમેન્ટ હતી.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK