વાઇરસને ફેલાવવા કરતાં પ્રેમ ફેલાવો અને ઘરમાં રહો : પ્રીતિ

Published: Mar 18, 2020, 16:07 IST | Agencies | New Delhi

પ્રીતિ ઝિન્ટાએ કોરોના વાઇરસને કારણે લોકોને ઘરે રહેવાની સલાહ આપી છે. આ વાઇરસ દુનિયાભરમાં ફેલાયો છે અને એ જોતાં લોકોને વિવિધ સલાહ આપતાં એક વિડિયો પ્રીતિ ઝિન્ટાએ બનાવ્યો છે.

પ્રીતિ ઝિન્ટા
પ્રીતિ ઝિન્ટા

પ્રીતિ ઝિન્ટાએ કોરોના વાઇરસને કારણે લોકોને ઘરે રહેવાની સલાહ આપી છે. આ વાઇરસ દુનિયાભરમાં ફેલાયો છે અને એ જોતાં લોકોને વિવિધ સલાહ આપતાં એક વિડિયો પ્રીતિ ઝિન્ટાએ બનાવ્યો છે. એ વિડિયોમાં પ્રીતિ ઝિન્ટા કહી રહી છે કે ‘હાઇ, બધા કેમ છો? હું જાણું છું કે કોઈ ખુશ નથી, કેમ કે હાલમાં બધાને બળજબરીપૂર્વક રજા આપવામાં આવી છે. જોકે એ બધાના હિતમાં છે કે આપણે જવાબદાર નાગરિક બનીએ. એથી હું તમને કેટલીક બાબતોની વિનંતી કરું છું. પહેલી એ કે મહેરબાની કરીને ઘરમાં રહો, સતત હાથ ધુઓ અને પોતાના હાથની સાફસફાઈ લોકોને પણ દેખાડો. સાથે જ બહારનું વાતાવરણ પણ ખરાબ હોવાથી જરૂર ન હોય તો બહાર ન નીકળો. આગામી બે અઠવાડિયાંમાં ઘણો ફરક પડવાનો છે. આપણને જાણ થશે કે ભારતમાં આ બીમારીના કેટલા કેસ નોંધાયા છે અને કેટલાને આ બીમારીનું નિદાન થયું છે. એથી તમે ઘરે રહો એ ખૂબ અગત્યનું છે. વાઇરસને ન ફેલાવો, કારણ કે આપણી જે હેલ્થ કૅર સિસ્ટમ છે એ ઊભરાઈ જશે. હૉસ્પિટલમાં જે વેન્ટિલેટર્સ અને ઇમર્જન્સી રૂમ છે એ ટ્રૉમા પૅશન્ટ માટે છે. સાથે જ જે ખૂબ બીમાર છે, જેમને ગંભીર બીમારીઓ છે તેમના માટે છે. કોરોનાને કારણે આપણી હેલ્થ કૅર સિસ્ટમ પર માઠી અસર પડે એવું ન થવું જોઈએ. આપણે હંમેશાં ફરિયાદ કરીએ છીએ કે કામમાંથી રજા નથી મળતી તો હવે રજા મળી છે તો એને એન્જૉય કરો. વાઇરસને ન ફેલાવો, પ્રેમને ફેલાવો અને ઘરે રહો.’

આ વિડિયોને ઇન્સ્ટાગ્રામ પર શૅર કરીને પ્રીતિ ઝિન્ટાએ કૅપ્શન આપી હતી કે ‘છેલ્લા થોડા દિવસોમાં આપણી આસપાસ ઘણાંબધાં પરિવર્તન આવ્યાં છે. કોરોના વાઇરસને કારણે લગભગ બધું જ અટકી ગયું છે. આ વાઇરસ ઝડપથી પૂરા વિશ્વમાં ફેલાઈ રહ્યો છે. આપણા સૌના માટે એ જરૂરી છે કે યોગ્ય પગલાં લઈને આ વાઇરસને ફેલાતો અટકાવીએ. જો તમારી પાસે પર્યાય હોય તો તમે ઘરે જ રહો અને સમજદાર બનો. આ વાઇરસને ન ફેલાવો અને પોતાની જાતનું, ફૅમિલીનું અને આપણા દેશનું રક્ષણ કરો.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK