ડિજિટલ શો જ છે ભવિષ્ય

ઓટીટી પ્લૅટફૉર્મ ‘વૂટ સિલેક્ટ’ની ‘ધ ગગૉન ગેમ’ અને નેટફ્લિક્સની ‘લસ્ટ સ્ટોરીઝ’માં દેખાયેલા સંજય કપૂર ડિજિટલ શોઝને મનોરંજન જગતનું ભવિષ્ય માને છે. ‘મિડ-ડે’ સાથે વાત કરતાં તેણે કહ્યું કે ‘વેબ-શોઝ ટૅલન્ટ અને કન્ટેન્ટ માટે મોટો હૉપ છે. હાલમાં જ મેં ઍમેઝૉનનો એક શો પૂરો કર્યો અને અત્યારે હું નેટફ્લિક્સના એક શો માટે નાશિક છું. આ માધ્યમમાં લેંગ્થ લાંબી હોવાથી તમામ પાત્રો ભજવતા કલાકારને ચાન્સ મળે છે પોતાની પ્રતિભા દર્શાવવાનો. કલાકારની સાથે રાઇટર અને ડિરેક્ટર પણ પોતાની ટૅલન્ટ દર્શાવી શકે છે.’

નાઇન્ટીઝમાં આવેલી સંજય કપૂરની ‘રાજા’ અને ‘સિર્ફ તુમ’નાં ગીતો આજે પણ અત્યંત લોકપ્રિય છે. એ વિશે વાત નીકળતાં સંજય કહે છે, ‘આજે પણ હું ક્યાંક જાઉં તો લોકો ‘દિલબર દિલબર’, ‘અખિયાં મિલાઉં તુઝે’ અને ‘પહેલી પહેલી બાર મહોબ્બત કી હૈ’ યાદ કરે છે. ગીતોની રીમેક બને છે. ‘મિશન મંગલ’માં તો મેં પોતે મારા ગીત પર ડાન્સ કર્યો હતો! આનંદ થાય છે આ બધું જોઈને.’

સંજય કપૂરની નિર્માતા તરીકે ‘ઇટ્સ માય લાઇફ’ નામની ફિલ્મ ૨૯ નવેમ્બરે રિલીઝ થવાની છે, જેમાં જેનેલિયા ડિસોઝા અને હરમન બાવેજા મુખ્ય કલાકારો છે.