કેબલ અને બૉડી ડબલ વગર સ્ટન્ટ કર્યા ઇશાન ખટ્ટરે

Published: Feb 18, 2020, 07:55 IST | Mumbai

ઇશાન ખટ્ટરે તેની આગામી ફિલ્મ ‘ખાલી પીલી’ના ક્લાઇમેક્સ માટે એક પણ કેબલ કે સ્ટન્ટ ડબલનો ઉપયોગ નથી કર્યો.

ઇશાન ખટ્ટર
ઇશાન ખટ્ટર

ઇશાન ખટ્ટરે તેની આગામી ફિલ્મ ‘ખાલી પીલી’ના ક્લાઇમેક્સ માટે એક પણ કેબલ કે સ્ટન્ટ ડબલનો ઉપયોગ નથી કર્યો. આ વિશે ફિલ્મના ઍક્શન ડિરેક્ટર પરવેઝ શેખનું કહેવું છે કે ‘ઇશાને તમામ સ્ટન્ટ પોતે કર્યાં છે. તેણે આ માટે કૅબલનો પણ ઉપયોગ નહોતો કર્યો. ઇશાને પોતે સ્ટન્ટ કરવાની ઇચ્છા વ્યક્ત કરી હતી અને મેં એ માટે હામી ભરી હતી. અમે પૂલ પર એક ચૅઝ સીક્વન્સનું શૂટિંગ કરી રહ્યાં હતાં. આ દરમ્યાન ઇશાન ટૅક્સી ચલાવી રહ્યો હોય છે અને તેણે બહાર આવી ઍક્શન કરવાની હોય છે. આ ટૅક્સી આજના જમાનાની સ્પીડ અને ટૅક્નોલોજીથી કોષો દૂર હોવા છતાં ઇશાને સ્ટન્ટ ખૂબ જ સારી રીતે કર્યો હતો.’

આ પણ વાંચો : મારી અંદર એક મૉડલ છુપાયેલી છે: કરીના કપૂર ખાન

મકબૂલ ખાન દ્વારા ડિરેક્ટ કરવામાં આવી રહેલી આ ફિલ્મના ક્લાઇમેક્સનું શૂટિંગ સતત પાંચ દિવસ સુધી કરવામાં આવ્યું હતું. કૅબલનો ઉપયોગ કરવા વગર ઇશાનને સ્ટન્ટ કરતો જોઈને સેટ પર દરેક વ્યક્તિ અચંબામાં પડી જતા હતા. રિહર્સલ માટે સમય ન હોવા છતાં ઇશાને આ સ્ટન્ટ જાતે કર્યા હતા અને એક પણ કૅબલ કે સ્ટન્ટ ડબલનો ઉપયોગ કર્યાં વગર. આ ફિલ્મમાં ઇશાન ખટ્ટરની સાથે અનન્યા પાન્ડે પણ જોવા મળશે અને એને અલી અબ્બાસ ઝફર પ્રોડ્યુસ કરી રહ્યો છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK