ચાર્જશીટના ધબડકા પછી પણ દેવ આનંદ નવી ફિલ્મ બનાવવા મક્કમ
‘હરે રામા હરે ક્રિષ્ના ૨’ માટે હવે સદાબહાર હીરોને ઝીન્નત અમાન જેવી હૉટ હિરોઇનની તલાશ છે
દેવ આનંદની છેલ્લા બે દાયકામાં આવેલી મોટા ભાગની ફિલ્મોને કારમી નિષ્ફળતા મળી હોવા છતાં હાલમાં તેઓ ૧૯૭૧માં આવેલી સફળ ફિલ્મ ‘હરે રામ હરે ક્રિષ્ના’ની વાર્તાને આગળ વધારીને ‘હરે રામા હરે ક્રિષ્ના ૨’ બનાવવાનું આયોજન કરી રહ્યા છે. પોતાની આ ફિલ્મ વિશે વાત કરતાં દેવ આનંદે જણાવ્યું હતું કે તેમની પાસે ફિલ્મની પટકથા તૈયાર છે અને આ ફિલ્મ રીમેક નથી, પણ ઓરિજિનલ ફિલ્મની વાર્તાને આગળ વધારશે. અત્યારે તો મને મૂળ ફિલ્મની હિરોઇન ઝીનત અમાનને ટક્કર આપે એવી હિરોઇનની તલાશ છે.
