અનુષ્કા શર્મા કો ગુસ્સા ક્યોં આયા

Published: 19th October, 2012 06:04 IST

ડિરેક્ટર રાજકુમાર હિરાણીની ‘પીકે’માં તેને આમિર ખાનની હિરોઇન તરીકે સાઇન કરવામાં ન આવી હોવાની અફવાથી થઈ ગઈ છે અપસેટ



અનુષ્કા શર્માને જ્યારથી ડિરેક્ટર રાજકુમાર હિરાણીની ‘પીકે’માં હિરોઇન તરીકે સાઇન કરવામાં આવી છે ત્યારથી તેના વિશે જાતજાતની અફવા ફેલાતી રહે છે. લેટેસ્ટ અફવા એ છે કે આ ફિલ્મમાં અનુષ્કાને મુખ્ય હીરો આમિર ખાનની હિરોઇન તરીકે નહીં પણ સપોર્ટિંગ ઍક્ટર ટીવીસ્ટાર સુશાંત સિંહ રાજપૂતની હિરોઇન તરીકે સાઇન કરવામાં આવી છે. આ લેટેસ્ટ અફવા સાંભળીને અનુષ્કા બહુ અપસેટ થઈ ગઈ છે અને તેણે આ વાત સાવ ખોટી હોવાની સ્પષ્ટતા કરી છે. આ અફવા વિશે વાત કરતાં અનુષ્કાની નજીકની એક મિત્ર કહે છે, ‘જ્યારથી અનુષ્કાએ આ ફિલ્મ સાઇન કરી છે ત્યારથી તેના વિશે જાતજાતની અફવા ફેલાતી રહે છે. આ અફવાઓ પાછળ અનુષ્કાની પ્રતિસ્પર્ધીઓનો હાથ છે. હવે અફવા છે કે આ ફિલ્મમાં અનુષ્કાને મુખ્ય હીરો આમિર ખાનની હિરોઇન તરીકે નહીં, પણ સપોર્ટિંગ ઍક્ટર ટીવીસ્ટાર સુશાંત સિંહ રાજપૂતની હિરોઇન તરીકે સાઇન કરવામાં આવી છે જે બિલકુલ ખોટી છે.’

આ વિવાદ વિશે પ્રોડક્શન હાઉસ તરફથી સ્પષ્ટતા કરવામાં આવી છે કે ‘ફિલ્મમાં અનુષ્કાને આમિરની હિરોઇન તરીકે જ સાઇન કરવામાં આવી છે. આ પ્રોજેક્ટ માટે સુશાંત તો આઠથી દસ દિવસ જ કામ કરવાનો છે. કોઈ વ્યક્તિ કારણ વગર આ અફવા ફેલાવી રહી છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK