અનુપમ ખેરની માતા કોરોના પૉઝિટિવ, અભિનેતા નેગેટિવ
અનુપમ ખેર માતા દુલારી અને ભાઈ રાજુ ખેર સાથે (ફાઈલ તસવીર)
બૉલીવુડના મહાનાયક અમિતાભ બચ્ચન અને દીકરા અભિષેક બચ્ચનનો કોરોના વાયરસ (COVID-19) રિપોર્ટ પૉઝિટિવ આવ્યા બાદ બૉલીવુડનો વધુ એક પરિવાર કોરોનાની ચપેટમાં આવી ગયો છે. અભિનેતા અનુપમ ખેરના ઘરના ચાર સભ્યો કોરોના સંક્રમિત થયા છે. જેમાં અભિનેતાની માતા, ભાઈ, ભાભી અને ભત્રીજીનો રિપોર્ટ પૉઝિટિવ આવ્યો છે.
અનુપમ ખેરની માતા દુલારીનો કોરોના રિપોર્ટ પૉઝિટિવ આવતા તેમને અંધેરી પશ્ચિમમાં આવેલી કોકિલા બેન હૉસ્પિટલમાં દાખલ કરવામાં આવ્યા છે. જ્યારે અભિનેતાના ભાઈ રાજુ ખેર, ભાભી રીમા ખેર અને ભત્રીજી વ્રિન્દા ખેરનો પણ કોરોના રિપોર્ટ પૉઝિટિવ આવ્યો છે. આ ચારેયમાં કોરોનાના સામાન્ય અને નજીવા લક્ષણો છે. તે સિવાય ભત્રીજા પ્રણિતનો રિપોર્ટ નેગેટિવ આવ્યો છે. જ્યારે અનુપમ ખેરનો કોરોના રિપોર્ટ નેગેટિવ આવ્યો છે, જે ફૅન્સ માટે ખુશખબર છે.
ADVERTISEMENT
આ વાતની જાણ અનુપમ ખેરે પોતે ટ્વીટ કરીને આપી હતી.
This is to inform all that my mother Dulari is found Covid + (Mildly). We have admitted her into Kokilaben Hospital. My brother, bhabhi & niece inspite of being careful have also tested mildly positive.I got myself tested as well & I have tested negative. @mybmc is informed.!? pic.twitter.com/EpjDIALft2
— Anupam Kher (@AnupamPKher) July 12, 2020
છેલ્લા કેટલાક દિવસોથી માતા દુલારી જમતાં નહોતાં અને સુતાં જ રહેતાં હતાં. એટલે ડૉક્ટરોની સલાહથી તેમનો કોરોના ટેસ્ટ કરાવ્યો હતો. ભાઈનો પરિવાર સૅલ્ફ ક્વૉરન્ટાઈન થઈ ગયો છે. જ્યારે માતા હૉસ્પિટલમાં સારવાર હેઠળ છે. અનુપમ ખેરે પાલિકાનો અને ડૉક્ટરનો આભાર માન્યો સાથે જ પરિવારના સભ્યો સાજા થઈ જાય તે માટે ફૅન્સને પ્રાર્થના કરવાનું કહ્યું.
