રામ માધવાણીએ ડિરેક્ટ કરેલી આ સિરીઝમાં સુસ્મિતા સેન અને ઇલા અરુણ પણ જોવા મળશે.
સિકંદર ખેર
સિકંદર ખેરનું માનવું છે કે ‘આર્યા 3’ એક પરિવાર જેવો છે. આ સિરીઝ ડિઝની+હૉટસ્ટાર પર ત્રીજી નવેમ્બરે શરૂ થશે. રામ માધવાણીએ ડિરેક્ટ કરેલી આ સિરીઝમાં સુસ્મિતા સેન અને ઇલા અરુણ પણ જોવા મળશે. આ શોમાં દૌલતના રોલમાં સિકંદર જોવા મળશે. આ શો વિશે સિકંદરે કહ્યું કે ‘અમે હવે ખરા અર્થમાં એક ફૅમિલી બની ગયાં છીએ. આ વાતની ચર્ચા મેં રામ માધવાણી અને તેમની સાથે આગામી શોમાં કામ કરનારા લોકો સાથે પણ કરી હતી. હું સતત તેમને કહેતો કે હવે તમે આજીવન તેમની સાથે કામ કરવાના છો. જોકે કેટલાક લોકોને એવી તક નથી મળતી. સેટ પર સમયસર કામ શરૂ થાય છે. સૌને એકસરખું માન આપવામાં આવે છે. દરેક જણ સમયસર કામ શરૂ કરે છે અને પૂરું પણ કરે છે. કોઈને કંટાળો નથી આવતો. એક પર્ફોર્મર તરીકે કામ પર કંટાળા વગર પાછા ફરવાની મજા આવે છે.’
