આ શો ૧૮ મેએ જિયોસિનેમા પર સ્ટ્રીમ થશે.
રણદીપ હૂડા
રણદીપ હૂડાની ‘ઇન્સ્પેક્ટર અવિનાશ’ હવે જિયોસિનેમા પર સ્ટ્રીમ થવા જઈ રહી છે. આ વેબ-સિરીઝમાં ઉત્તર પ્રદેશના સુપરકોપ અવિનાશ મિશ્રાની વાત કરવામાં આવી છે. તેના પાત્રમાં રણદીપ હૂડા જોવા મળી રહ્યો છે. આ શો નીરજ પાઠક દ્વારા ડિરેક્ટ કરવામાં આવ્યો છે. એમાં ઉર્વશી રાઉતેલા, અમિત સિયાલ, અભિમન્યુ સિંહ, શાલિન ભનોટ, ફ્રેડી દારૂવાલા, રાહુલ મિત્રા અને અધ્યયન સુમને પણ કામ કર્યું છે. આ શો ૧૮ મેએ જિયોસિનેમા પર સ્ટ્રીમ થશે. આ શો વિશે રણદીપ હૂડાએ કહ્યું કે ‘એક ઍક્ટર તરીકે હું હંમેશાં રિયલ લાઇફ હીરોની અનકહી સ્ટોરી તરફ આકર્ષાઉં છું. મિશ્રાની સ્ટોરી રિયલ લાઇફ મૉડર્ન રૉબિનહૂડ જેવી છે. તે ક્રાઇમ સામે લડતો અને સત્ય માટે હંમેશાં ઊભો રહેતો જોવા મળ્યો છે. તેની આ જર્નીનો પાર્ટ બનવાની મને ખુશી છે.’
